Depýtattar Kınematografııa týraly jáne oǵan ilespe Zań jobasyn birinshi oqylymda maquldady.
Kınematografııa salasyndaǵy qoǵamdyq qatynastardy retteıtin derbes salalyq zańdy qabyldaý ulttyq fılmderdiń sapasyn jáne básekege qabilettiligin arttyrýǵa, kınokórsetilim qyzmetiniń halyqqa qoljetimdi bolýyna, kınoındýstrııanyń ashyqtyǵy men ınvestısııalyq tartymdylyǵyna, shetelde qazaqstandyq kıno mártebesiniń ósýine jáne ony moıyndaýyna zańnamalyq deńgeıde jaǵdaılar jasaý úshin qajet.
Sonymen qatar, jekelegen zańdy tulǵalardyń jumys isteýi arqyly ulttyq mádenı ıgiliktiń ajyramas bóligi retinde ulttyq fılmderdi jáne olardyń bastapqy materıaldaryn saqtaý jolymen ulttyq kınematografııany qoldaý da kózdeledi.
Zań jobasy talqylanǵan jalpy otyrysta Palata Tóraǵasy kınoındýstrııany damytý úshin jaǵdaı jasap, onyń ınvestısııalyq tartymdylyǵyn arttyrý qajettigin atap ótti. Sondaı-aq, N. Nyǵmatýlın kınoındýstrııasy bıznes jelilerinde bolsa, bıýdjetke aıtarlyqtaı kiris ákelýi múmkin ekendigin jetkizdi.
Kınematografııasy salasyndaǵy basty problemalarǵa toqtalǵan Májilis Tóraǵasy búgingi kúnniń ózinde keıbir iri qalalarda birde-bir kınoteatr joq ekendigine nazar aýdardy.
Kınematografııa týraly zań jobasyn ázirleý barysynda depýtattar tarapynan birshama usynystar engizildi. Olar balalardyń densaýlyǵy men damýyna zardabyn tıgizetin aqparattan qorǵaý týraly Zańǵa sáıkestendirip, fılmderdiń jasqa qatysty klassıfıkasııasy boıynsha, sonymen qatar, jergilikti atqarýshy organdardyń quzyretine kınematografııa týraly zańnamany ustaný boıynsha memlekettik baqylaýdy júrgizý jóninde tolyqtyrý jáne qazaq tiliniń tazalyǵyn saqtaý, onyń damýyna, qoldaný aıasyn keńeıtý maqsatynda, fılmderdiń prokattaý tili jónindegi normalarǵa da tolyqtyrýlar jáne basqa da birqatar túzetýler engizdi.
Zań jobasy depýtattar tarapynan qoldaý tapty. Osy rette Májilis Tóraǵasy elimizdiń kınematografııa salasyn memlekettik qoldaý alǵash ret quqyqtyq negizge ıe bolǵanyn, bul qazaq kınosynyń damýy men sapasyn jáne básekege qabilettiligin arttyrýǵa múmkindik beretinin atap aıtty.
Palata otyrysynda Májilis «Qazaqstan Respýblıkasynyń keıbir zańnamalyq aktilerine halyqtyń jumyspen qamtylýyn formalızasııalaý máseleleri boıynsha ózgerister men tolyqtyrýlar engizý týraly» Zań jobasyn jumysqa aldy.
Jalpy otyrys sońynda halyq qalaýlylary birneshe depýtattyq saýaldar joldady. Olar Á.Saparova, G.Baımahanova, K.Absatırov, B.Dúısenbınov, D.Espaeva, A.Qojahmetov, A.Jamalov, M.Magerramov, J.Dúısebaev, Sh.Nýrýmov.
