Nátıjesinde jol júrý barysynda, onyń ishinde Qazaqstan aýmaǵynan tys jerde ıesiz ashylǵan joljúkterdiń 80 deregi anyqtaldy.
Prokýratýranyń úılestirý jumysynyń arqasynda ýákiletti organdar men áýejaı qyzmetterimen azamattardyń múlikterin qorǵaý úshin birqatar uıymdastyrýshylyq sharalar anyqtalyp, birlesken jumys jospary bekitildi.
Áýejaıdyń júkter boıynsha qyzmet kórsetý jumysyndaǵy engizilgen negizgi janalyq – Avıasııalyq qaýipsizdik qyzmetiniń qyzmetkerleri júk bóliminde kúndelikti kezekshilik atqarady, tıep-túsirý jumysy barysynda beınetirkeý quraly qoldanylady, beınebaqylaý júıelerin jańǵyrtý arqyly áýejaı aımaqtaryndaǵy «jasyryn» jerlerdi joqqa shyǵarý.
Atalǵan is-sharalar áýejaıdan tys jerlerde jasalǵan qylmystardyń tirkelýin boldyrmaýǵa jáne olar boıynsha qylmysty qýdalaý organdarymen negizsiz tekserister júrgizbeýge múmkindik berdi.
Nátıjesinde jeke múlikterdi jáne júkterdi urlaý derekteri 60% tómendedi (40-tan 16-ǵa deıin).
Sonymen qatar, atalǵan shara barysynda 8 qylmystyq quqyqbuzýshylyq ashyldy, onyń 7-ýin áýejaı jumyskerleri jasaǵan. Eki jumyskerge qatysty aıyptaý úkimi shyǵaryldy. Qalǵandaryna qatysty is sotpen medıasııa tártibinde qysqartyldy.
Atalǵan baǵytta jumys jalǵasýda.
