«Internet jelisinen kórgennen keıin-aq Talǵattyń oǵan qatysamyn degen yntasy arta tústi. О́zi mektepte qazaq tilinen jaqsy oqıdy, týystarymyz da, kórshilerimiz de qazaqtar. Ulym qazaq tilinde erkin sóıleýdi armandaıdy. Tatarlar qazaq tilin, qazaqtar tatar tilin erkin túsinedi, eger ynta bolsa qazaq tilin nege meńgermeske? Men ulymnyń bastamasyn tolyqtaı qoldap, ertip keldim» deıdi Talǵattyń anasy Gúlnar Latypova.
Dıktant jazýǵa qatysýshylardy Qazaqstan halqy oblystyq assambleıasy hatshylyǵynyń meńgerýshisi Bıbigúl Aqqojına quttyqtady. Dıktantty A.Baıtursynov atyndaǵy Qostanaı memlekettik ýnıversıtetindegi praktıkalyq lıngvıstıka kafedrasynyń oqytýshysy Aqjan Altybaeva oqydy. Aınalasy bir saǵattyń ishinde ashyq dıktantty jazyp boldy. Arnaıy bekitilgen tekserý komıssııasynyń músheleri dıktant jumysyn tekserdi. Tórt kisi dıktantty esh qatesiz jazyp shyqty.
«Eń aldymen qazaq tilindegi ashyq dıktantqa qatysýdyń ózi tilge, memlekettik rámizge degen qurmet dep bilemin. Qazaqstanda turǵan árbir azamattyń memlekettik tildi bilýi olar úshin maqtanysh bolýy tıis. Aldaǵy jyldary ótetin ashyq dıktantqa qatysýǵa búgingi kip-kishkentaı Talǵat sekildi árkim ózi tilek bildirip kelse nur ústine nur bolar edi» deıdi tekserý komıssııanyń tóraıymy Bela Esenǵazına.
Oblys boıynsha ashyq dıktantqa on myńnan asa adam qatysty. Belsendilik tanytqandarǵa Qazaqstan halqy oblystyq assambleıasy hatshylyǵynyń alǵys haty tapsyryldy.
Názıra Járimbet,
«Egemen Qazaqstan»
Qostanaı
