«Mashına jasaý ekonomıkanyń negizgi salalarynyń biri. Memleket bul baǵyttyń ornyqty damýy úshin barynsha qoldaý kórsetip keledi. 2017 jyly mashına jasaý óniminiń kólemi 1 trln teńgege jýyq boldy. Bıylǵy forýmnyń negizgi ıdeıasy mashına jasaý salasyndaǵy tórtinshi ónerkásiptik revolıýsııa, jahandyq tehnologııalyq progrestiń qazirgi bolmysyna sáıkes keledi. Mashına jasaý isi qarqyndy damyp, júrgizýshisi joq avtokólikter, robottandyrylǵan zaýyttar jáne sýtegi otynymen júretin mashınalar búginde ozyq elder úshin úırenshikti qubylysqa aınaldy», - delingen Elbasynyń sózinde.
Sondaı-aq, Elbasy óz sózinde búkil álem jańa sandyq formatqa kóship jatqanyn, bul úrdisten Qazaqstan da qalys qalmaý kerek ekenin aıtty.
«Mashına jasaý salasyn damytýdyń 2019-2030 jyldarǵa arnalǵan keshendi jospary forýmda talqylanatyn mańyzdy taqyryptardyń biri bolmaq. Jahandyq tehnologııalyq úderisterge saı óndiriste jańǵyrtýdy kózdeıtin atalǵan baǵdarlamalyq qujat salany damytýdyń strategııalyq baǵdaryn aıqyndaıdy. Is-shara aıasynda nátıjeli pikirtalas bolyp, osy salada ózekti máselelerge qatysty naqty usynystar ázirlenedi dep senemin», - dedi N. Nazarbaev.
Indýstrıaldy-ınnovasııalyq damý memlekettik baǵdarlamasynyń birinshi bes jyldyǵyn iske asyrý jyldarynda mashına jasaý salasy elimizdegi eń qarqyndy damyǵan salalardyń biri boldy. О́ndiris kólemi 2010 jylǵy 376 mlrd teńgeden 2014 jyly 870 mlrd teńgege deıin, ıaǵnı 2,3 esege ulǵaıdy. О́ńdeý ónerkásibi kólemindegi otandyq mashına jasaýdyń úlesi 9,7 paıyzdan 14,8 paıyzǵa deıin ósti. 2018 jyldyń 8 aıynyń qorytyndysy boıynsha mashına jasaý óndirisiniń kólemi 638,1 mlrd teńgeden asyp, ósim 13,8 paıyzdy qurady.
