Qazaqstannyń tapsyrysy qaraldy

Jaqynda SIM-niń jaýapty hatshysy, EHRO-2017 joba­­­­synyń ulttyq úılestirýshisi Rápil Joshybaev Germanııaǵa jumys saparymen baryp qaıtty. Sapardyń negizgi maqsaty Qazaqstannyń 2017 jyly Astanada EHRO halyqaralyq kór­me­sin ótkizýge tapsyrysyn ilgeriletý boldy. Berlınde bolýy kezinde R.Joshybaev saýda-ekonomıkalyq yntymaqtastyq boıynsha Qazaqstan-Germanııa úkimetaralyq jumys tobynyń teń tóraǵasy, GFR ekonomıka jáne tehnologııa mınıstriniń orynbasary Karl-Ernst Braýnermen kezdesti. Germanııanyń federal­dyq ekonomıka jáne tehnologııa mınıstrligi EHRO máselelerine jetekshilik etetin ókildi organ bolyp tabylady. Kelissózder barysynda eki jaqty saıası, saýda-ekonomıkalyq qa­rym-qatynastardyń kókeıkesti qyrlary qozǵaldy. K.-E.Braýner Qa­zaq­stannyń Germanııa úshin Ortalyq Azııadaǵy asa mańyzdy saıası jáne ekonomıkalyq áriptes bolyp tabylatynyn atap ótti. Eki jaqty saparlar almasý óte joǵary deńgeıde júrip jatsa, eki jaqty qarym-qa­ty­nastardyń kún tártibinde turǵan máselelerdiń taqyryby da san alýan. Germanııa tarabynyń aqparaty boıynsha, tek ústimizdegi jyldyń alǵashqy jartysyndaǵy ózara taýar aınalymy kóleminiń ózi 26 paıyzǵa ulǵaıyp, 3,5 mlrd. eýrodan asyp túsip otyr. Tutastaı alǵanda, Germanııa men Qazaqstannyń ózara saýda-sattyq kólemi GFR-diń búkil Ortalyq Azııa men Kavkazdaǵy 8 memleketti qosqandaǵy ta­ýar aınalymynyń 63 paıyzyn quraıdy. О́z kezeginde qazaqstandyq dıplomat suhbattasyn Qazaqstanda júzege asyrylyp jatqan údemeli ındýstrııalyq-ınnovasııalyq damý, sondaı-aq Qazaqstannyń 2020 jylǵa deıingi strategııalyq damý josparynyń negizgi baǵyttarymen tanystyrdy. Áńgime barysynda EHRO-2017 halyqaralyq mamandandyrylǵan kórmeni uıymdastyrý men ótkizý máseleleri boıynsha pikir almasyl­dy. Al bolashaq kórmeniń basty taqyryby «Bolashaqtyń energııasy» bolady dep kútilýde. EHRO-2017-ni ótkizetin el týraly Kórmelerdiń halyqaralyq bıýrosy (KHB) shyǵaratyn sheshim daýys berý arqyly 157 múshe eldiń qatysýymen aldaǵy jyldyń jeltoqsan aıynda júzege asyrylatyn bolady. «Egemen-aqparat».