Reseıdiń Kemerov oblystyq halyq depýtattarynyń keńesi «Kemerov oblysynyń gýbernatory Amangeldi Moldaǵazyuly Tóleevke «Halyq gýbernatory» qurmetti ataǵyn berý týraly» sheshim qabyldady.
Fılıppındegi «Ýoshı» taıfýnynan qaza tapqandar sany 27 jeltoqsandaǵy málimet boıynsha 1,5 myń adamǵa jetti. Asa kóp opat bolǵandar Mındanao aralynyń soltústik bóliginde ornalasqan Kagaıan-de-Oro jáne Ilıgan qalalarynyń úlesine tıip otyr.
Soltústik Koreıany 17 jyl basqaryp, 17 jeltoqsanda kóz jumǵan 69 jastaǵy Kım Chen Ir búgin jerlenetin bolady. Onyń máıiti sońǵy 10 kún boıy ákesi Kım Ir Sen jatqan mavzoleıge qoıylǵan edi.
9 aıdan beri bılik pen oppozısııa arasynda kıkiljiń oryn alyp kele jatqan Sırııaǵa alǵash ret Arab memleketteriniń lıgasynan baıqaýshylar keldi. Atalǵan ýaqyt aralyǵynda eki jaqty teketires saldarynan 5 myńnan astam adam kóz jumypty.
22 jeltoqsanda Irak astanasy – Baǵdad qalasynda 14 márte jarylys jasalyp, solardyń saldarynan 70-ke jýyq adam qaza tapqany týraly buǵan deıin habarlaǵan bolatynbyz. Lańkestikke jaýapkershilikti keshe «Ál-Kaıda» lańkestik uıymy óz moınyna aldy.
Ulybrıtanııanyń halyqaralyq damý mınıstri Endrıý Mıtchell álem bolashaq kataklızmder men apattarǵa daıyn emes ekenin málimdedi. Onyń pikirinshe, baı elder tótenshe jaǵdaılardy joıý jónindegi Ortalyq qorǵa jetkilikti kólemde qarjy aýdarmaı keledi.
Keshe Efıopııada lańkesterge qoldaý kórsetti jáne shekarany zańsyz kesip ótti dep aıyptalǵan eki shved jýrnalısi – reporter Martın Shıbbıýe men fototilshi Iohan Persson 11 jylǵa bas bostandyqtarynan aıyryldy.
Tanylmaǵan respýblıka – Prıdnestrovede ótken prezıdenttik saılaýda parlamenttiń burynǵy spıkeri Evgenıı Shevchýk jeńiske jetti. Prıdnestroveni 1991 jyldan beri basqaryp kelgen is basyndaǵy prezıdent Igor Smırnov jeńilis tapty.
«Spravedlıvaıa Rossııa» partııasynyń serkesi Sergeı Mıronov OSK-niń sheshimimen prezıdenttikke kandıdat retinde tirkelgen Reseı úkimetiniń basshysy Vladımır Pýtınnen keıingi ekinshi adam boldy.
Reseıdiń Ingýshetııa avtonomııasynda polıseıler jol júrý erejesin buzyp, toqtaý týraly buıryqty oryndamaǵan 61 jastaǵy júrgizýshini atyp óltirgen. Oqıǵaǵa baılanysty qyzmettik tekserý júrgizilýde.
Anglııanyń astanasy – London qalasyndaǵy Oksford-strıt kóshesinde ornalasqan basty saýda dúkeniniń mańynda belgisiz bireýler 18 jasar bozbalany pyshaqtap óltirip ketken. Kúdikti degen 9 adam qamaýǵa alynypty. Oqıǵa sebebi ázirshe belgisiz.
Aqparat agenttikteri materıaldarynyń negizinde ázirlendi.
