Sharaǵa Respýblıkalyq «Generaldar keńesi» qoǵamdyq birlestigi Prezıdıýmynyń tóraǵasynyń orynbasary Tursyn Aıjolov, general-maıor Toqtasyn Buzaýbaev, QR UQK Shekaralyq qyzmet Akademııasy shuǵyl-taktıkalyq fakýltetiniń pedagogıka jáne ıdeologııa kafedrasynyń professory Erbolat Aqsholaqov, Borodýlıha aýdanynyń ákimi Grıgorıı Akýlov jáne ulttyq qaýipsizdik komıtetiniń ardagerleri, QR UQK shekara qyzmetiniń qyzmetkerleri jáne aýdan turǵyndary qatysty.
-General-leıtenant Matveı Merkýlov 1938 jyly óziniń týǵan aýyly Jańa Shúlbide dúnıege keldi,-dedi aýyldyq okrýg ákimi Kúljanat Qarymova,-1942 jyly leıtenant retinde 162-ingi Ortalyq Azııa dıvızııasynyń 224-inshi atqyshtar polkyna qabyldanǵan. Kýrsk shaıqasynda erlik kórsetken. Jaralanyp, odan emdelgen soń ekinshi Belorýss maıdanyna attanady. Ol shekarashy komandır retinde sarbazdarǵa úlgi bolyp, erlikterimen kózge tústi. Soǵystan keıin de shekara qyzmetinde jumysyn tastamaı jalǵastyra bildi. Almaty qalasyndaǵy Joǵarǵy shekara komandalyq ýchılıshesin uzaq jyldar abyroımen basqardy. Matveı Merkýlov erlikteri urpaqqa ónege.
Shara barysynda Jańa shúlbi aýylynyń Mádenıet úıinde Keńes Odaǵy batyrynyń ómirin nasıhattaıtyn fotosýretter, tarıhı derekter kórmesi uıymdastyryldy. M. Merkýlov támamdaǵan mektepke QR UQK Shekara qyzmeti Akademııasynan «Shekara úshin berilgen jyldar» atty kitap syıǵa tartyldy. Al soǵysqa qatysqan UQK aǵa ardageri Ábdiǵalı Qaımoldın M. Merkýlovtyń osy 100 jas mereıtoıyna oraı «QR UQK qurmetti qyzmetkeri» tósbeligisine ıe boldy. Osyndaı merekelik medalmen birqatar qyzmetkerler de marapattaldy.
Raýshan NUǴMANBEKOVA,
Borodýlıha aýdany
Shyǵys Qazaqstan oblysy
