«Aldaǵy sezd qaýipsiz álemdi saqtaýda dinı lıderlerdiń róline arnalǵan. Rýhanı kóshbasshylardyń senim men ózara qurmetteýdi nyǵaıtýǵa, dinı ekstremızmge qarsy kúres jáne qaýipsiz álemdi qurýǵa qol jetkizetindigine senim artamyz», - dedi Q.Ábdirahmanov kezdesý barysynda. Q.Ábdirahmanov dinı jáne saıası kóshbasshylar, halyqaralyq uıymdardyń basshylary jáne azamattyq qoǵam ókilderiniń forýmǵa qatysqandyǵyn atap ótti.
О́rkenıetter Alıansynyń basshysy, joǵary ókil Nasır Abdýlazız ál-Naser kezdesý barysynda Astanadaǵy Álemdik jáne dástúrli dinder kóshbasshylarynyń VI sezine BUU Bas hatshysy Antonıo Antonıý Gýterrıshtiń arnaıy ókili retinde qatysatynyn aıtty.
Q. Ábdirahmanov «Baılanystardy ornatý: beıbitshilik mádenıetin ilgeriletý úshin jumsaq kúshti paıdalaný» atty BUU О́rkenıetter Alıansynyń «Dostar tobynyń» mınıstrlik kezdesýiniń negizgi taqyrybyna baılanysty «qatty kúsh» quraldarynyń bastapqy shekteýli maqsaty aıaqtalǵandyǵyn, olardyń tabysy ýaqytsha ekendigin tájirıbe kórsetkendigin jáne áskerı kúsh qoldaný jańa zombylyq týdyratyndyǵyn atap ótti. Janjaldardy boldyrmaýdyń jáne áleýmettik birlikti nyǵaıtýdyń negizgi elementteri bolyp sanalatyn toleranttylyq, bilim berý, pozıtıvti adamı qundylyqtaryn ilgeriletýge yqpal etetin quraldar uzaq merzimdi áseri bar «jumsaq kúshtiń» eń tıimdi quraldary bolyp tabylady.
Osy turǵyda, Q. Ábdirahmanov ulttyq biregeılikti saqtaýǵa jáne Qazaqstannyń jahandyq mádenı ortaǵa odan ári yqpaldasýyna baǵyttalǵan qoǵamdyq sanany jańǵyrtýǵa baǵyttalǵan «Rýhanı jańǵyrý» baǵdarlamasy týraly aıtyp berdi. Sonymen qatar, Mınıstr Aýǵanstan stýdentteriniń elimizde oqýyna qarajat bólý jáne aýǵan qyzdaryn Qazaqstan men О́zbekstannyń joǵary oqý oryndarynda oqytýǵa baǵyttalǵan О́zbekstan men Eýropalyq Odaqpen birlesken jobaǵa qatysýdy qosa alǵanda Qazaqstannyń Ortalyq Azııa aımaǵyndaǵy beıbitshilik pen turaqtylyqty damytýǵa baǵyttalǵan sharalaryna nazar aýdardy.
