Úkimet • 02 Qazan, 2018

Baqytjan Saǵyntaev Investısııalyq ahýaldy jaqsartý jónindegi keńes otyrysyn ótkizdi

250 ret

kórsetildi

1 mın

oqý úshin

Úkimet úıinde QR Premer-Mınıstri Baqytjan Saǵyntaevtyń tóraǵalyǵymen Investısııalyq ahýaldy jaqsartý jónindegi keńestiń (IAJK) kezekti otyrysy ótti, dep habarlaıdy Premer-Mınıstrdiń baspasóz qyzmeti.

Egemen Qazaqstan

Baqytjan Saǵyntaev Investısııalyq ahýaldy jaqsartý jónindegi keńes otyrysyn ótkizdi

Otyrys barysynda sheteldik ınvestısııalardy tartý, ekonomıkalyq ósim men ınnovasııalardyń qozǵaýshy kúshi retinde básekege qabiletti ekonomıkalyq ortany qamtamasyz etý úshin qolaıly jaǵdaılar men ádil rejımdi qurý múmkindikterin keńeıtý máseleleri talqylandy. Sondaı-aq, mınıstrlerdiń osy jyldyń 12 shildesinde ótken otyrystyń qorytyndysy boıynsha IAJK músheleriniń usynystaryn pysyqtaý jónindegi esepteri qaraldy. Áleýmettik-mádenı salaǵa ınvestısııalar salý máseleleri kóterildi.

Talqylaý barysynda Qazaqstandaǵy Amerıka saýda palatasynyń atqarýshy dırektory D. Bredbıýrı, QR-daǵy Kanada elshisi N. Brýsso, QR-daǵy AQSh elshiliginiń ýaqytsha senimdi ókili T. Lıng, QR-daǵy Ulybrıtanııa elshisi M. Gıfford, QR-daǵy Halyqaralyq qarjy korporasııasynyń dırektory K. Kolbert, EYDU básekelestik máseleleri jónindegi aǵa sarapshysy S. Zıgelskı, Morgan Lewis zań fırmasynyń basqarýshy seriktesi A. Shyńǵysov sóz sóıledi.