Ǵalamtordyń jastarymyzǵa paıdasy men zııany qatar tııýde. Qazirgi tańda ǵalamtorǵa táýeldiliktiń saldarynan adamdardyń densaýlyǵy ǵana emes, oılaý, sóıleý, tipti jazý mádenıeti de tómendep barady. Áleýmettik jelini kim qalaı paıdalanamyn dese, óz erki. Oǵan eshkim shekteý qoıa almaıdy. Áıtse de jastarymyz ınternettiń jaqsy tusyn tıimdi paıdalanǵany durys.
Jýyrda S.Jıenbaev atyndaǵy oblystyq jasóspirimder kitaphanasynda «Internetsiz bir kún» aksııasy ótti. Sharanyń maqsaty – jastardyń densaýlyǵyna zııan keltiretin aqparattardan, nasıhat pen úgittiń teris yqpalynan qorǵaýǵa atsalysý. Sonymen birge kitap oqýǵa úndeý, kitaphana janynan ashylǵan úıirme, klýbtarmen tanystyrý. Jastardyń bos ýaqytyn ınternetsiz tıimdi ótkizýge baýlý.
Sharany Aqtóbe oblysynyń mádenıet, arhıvter jáne qujattama basqarmasynyń bas mamany Gúljan Meıirhanqyzy ashyp berdi. Sonymen qatar «ISMER» etnomádenı qolóner úıirmesiniń tusaýkeseri ótti. Sóz sóılegen qonaqtar ınternettiń qazirgi zamanǵa saı tıimdi baılanys quraly bolǵanymen, onyń da zııandy tustary bar ekendigin aıtyp, jastardy kitap oqýǵa, bos ýaqyttaryn tıimdi paıdalanýy úshin kitaphana klýbtaryna, úıirmege jazylýǵa shaqyrdy. Sharaǵa Aqtóbe oblysynyń úkimettik emes uıymdar qaýymdastyǵynyń, buqaralyq aqparat quraldarynyń ókilderi, №16 mektep oqýshylary, klýb músheleri qatysty. Kitaphanashylar tek kitappen qamtamasyz etip qoımaı, ártúrli klýbtarǵa jetekshilik etedi. Jasóspirimderdiń bos ýaqytyn tıimdi paıdalanýyna kómektesedi. Aksııaǵa kitaphananyń «Aq qaýyrsyn», «Shapaǵat», «Altyn ólke», «Búrkit», «Syrǵalym», «Start» klýbtarynyń músheleri qatysty. Ár klýb músheleri ózderine berilgen tapsyrmany oryndady. Inna Gorobes «Rodına moıa Kazahstan», Igor Kotlobovskıı «Vot golýboı kak nebo flag», Amanshıeva Tomırıs «Kazahstan – eto ımıa strany» óleńderin oqysa, al Manat Zakeev «Qazaq eli» ánin oryndady.
Gúljan ESKENDIRQYZY,
S.Jıenbaev atyndaǵy oblystyq jasóspirimder kitaphanasynyń qyzmetkeri
AQTО́BE
