Sýretti túsirgen Ǵylymbek SÁBITOV
«Elbasynyń «Rýhanı jańǵyrý» baǵdarlamasy aıasynda «Prezıdenttiń bes áleýmettik bastamasynyń» úshinshi bastamasyn júzege asyrý úshin Shyǵys Qazaqstanda úsh baǵytty qamtıtyn «Bilikti maman» jobasy ázirlendi. Nazarbaev ıntellektýaldyq mektebi úlgisindegi jańartylǵan bilim berý baǵdarlamasy boıynsha oblysqa 1, 636 mıllıon dana oqýlyqtar satyp alyndy. Aımaqtaǵy muǵalimderdiń biliktiligin arttyrýǵa da den qoıyp otyrmyz. 2019 jylǵa deıin 22 647 muǵalim ártúrli kýrstardan ótedi. «Meniń mektebim» jobasy sheńberinde oblystaǵy 277 tolyq komplektili mekteptiń 476 kabıneti hımııa, fızıka, bıologııa jáne robotty tehnıka synyptarymen Nazarbaev zııatkerlik mektepteriniń tájirıbesi negizinde zamanaýı qural-jabdyqtarmen jabdyqtaldy. Oblysta 277 IT-synyp ashyldy. «Bilikti maman» jobasy aıasynda óńirdegi joǵary oqý oryndarynyń deńgeıin kóterip, shet elge ketip jatqan túlekter qataryn azaıtý úshin eki jyldan beri bilim granttary bólinýde. 2017 jyly 200 grant bólinse, bıyl bul kórsetkish 400-ge jetti. Onyń 219-y muǵalimder daıyndaýǵa, 82-si tehnıkalyq jáne tehnologııalyq, 37-si aýyl sharýashylyǵy, veterınarııa, 31-i óner, 24-i densaýlyq, 7-si jaratylystaný salalaryndaǵy mamandar ázirleýge bólindi», - deıdi Ásem Núsipova.
Sonymen qatar bıyl tuńǵysh ret óńirge asa qajet mamandardy daıyndaý úshin elimizdiń joǵary oqý oryndaryna 46 orynǵa memlekettik bilim berý tapsyrysy berilipti.
Azamat QASYM,
«Egemen Qazaqstan»
О́SKEMEN
