Elbasy keshegi Joldaýynda álemdegi eń ozyq oqytý ádisine negizdelgen Nazarbaev zııatkerlik oqý ornynyń jaqsy tájirıbesin elimizdegi bilim oryndarynda qoldaný jaıyn aıtqan edi. Qyzylordaǵy aıtýly mektep muǵalimderdiń ǵylymı izdeniske jol ashatyn, shyǵarmashylyq turǵydan ósýine baspaldaq bolatyn jańa júıeni tıimdi paıdalanyp jatyr. Mektep dırektory Dınara Baımurzaeva 5-9 synyptarda aǵylshyn tiline qosymsha saǵattar qosylǵandyǵyn aıtady.
Aptasyna bes saǵat shet tilin úırenýge ýaqyt bólingen mekteptiń bes pen toǵyz synyp aralyǵynda fızıka, hımııa jáne bıologııa pánderi aǵylshyn tilinde oqytylady.
Baqtııar TAIJAN,
«Egemen Qazaqstan»
Qyzylorda oblysy
