Aımaqtar • 10 Qazan, 2018

Kámshat apa Qostanaıdyń tórinde otyr

420 ret

kórsetildi

1 mın

oqý úshin

Sosıalıstik Eńbek Eri, ataqty mehanızator Kámshat Dónenbaevanyń aramyzdan ketkenine de jyl táýligi bolyp qaldy. Ol Keńes Odaǵy kezinde qazaq qyzdarynan alǵashqylardyń biri bolyp, traktor rýline otyrǵan, adal eńbegimen qoshemetke bólengen eńbekker ǵana bolǵan joq, halyq qalaýlysy atanyp, depýtattyq eńbegimen qoǵamdaǵy kóptegen isterge aralasqan, qaıratker dárejesine kóterilgen adam edi. Qazir Qostanaıda mektepterde, oqý oryndarynda Kámshattyń ómiri men qyzmetin jastarǵa úlgi etip aıtqan eske alý keshteri ótip jatyr.

Egemen Qazaqstan

Qostanaı qalasynda burynǵy Avıasıonnaıa kóshesiniń aty Kámshat Dónenbaeva bolyp ózgerdi, Meńdiǵara aýdanyndaǵy Borovskoı kásiptik-tehnıkalyq kolledjine de Kámshat Dónenbaevanyń esimi berildi. Kachar kentindegi meshitke de jamaǵat Kámshat apa esimin laıyq kórdi. Jaqynda Qostanaı qalasynyń ortalyǵyndaǵy záýlim bıik 9 qabatty úıdiń qabyrǵasynda Kámshat apanyń beınesi paıda boldy.

Jańa tehnologııamen salynǵan sýrette basyna aq oramalyn jelkesinen baılaǵan Kámshat apa «elime rızamyn» degendeı meıirimmen qarap otyr. Munan buryn Qostanaıdaǵy Abaı dańǵylynyń boıyndaǵy záýlim úıdiń qabyrǵasynda Abaıdyń ǵana sýreti salynǵan bolatyn.

Názıra JÁRIMBET,

«Egemen Qazaqstan»

Qostanaı