Áýe kemelerindegi qaýipsizdik jónindegi konvensııalar maquldandy

Sonyń ishinde Investısııalar jáne damý mınıstriniń mindetin atqarýshy Roman Sklıar depýtattarǵa áýe kemeleriniń bortynda jasalatyn qylmystar jáne keıbir basqa da aktiler týraly konvensııany jáne osy konvensııany ózgertetin hat­tamany ratıfıkasııalaý týraly Qazaqstan Respýblıkasy zańynyń jobasyn tanystyrdy. Halyqaralyq konvensııanyń ózi 1963 jyly Tokıoda qabyldanǵan eken. Qazir oǵan álemniń 186 memleketi qosylǵan kórinedi. 

R.Sklıardyń baıan­­da­ma­synan zań jobasy áýe kemeleriniń bortyndaǵy tár­tip buzýshylyqtardyń jolyn kesýge baǵyttalǵany belgili boldy. Munda áýe kemesi komandıriniń tártip buzýshylarǵa qarsy áreket etý ókildikteri anyqtalǵan. Son­daı-aq ekıpaj múshelerine de osy tarapta beriletin quqyqtyq normalar qam­­tylǵan. Konvensııa men hattamany ratıfıkasııalaý Qazaqstan tarapynan qosymsha shyǵyndar talap etpeıdi, dedi ol. 

Baıandama aıaqtalysymen depýtattar birneshe suraq qoıdy. Olarǵa jaýap berilgen soń, keıbir túsinbestik týǵyzǵan tustardy otyrysqa qatysyp otyrǵan Ádilet mınıstriniń orynbasary Elvıra Ázimova tarqata aı­typ berdi. Osydan keıin talqylaýǵa qatys­qan depýtat Abaı Tasbolatovtyń usy­ny­symen zań jobasy maqul­dan­dy. 

Jalpy otyrysta áýe kemele­rin zańs­yz basyp alýǵa qarsy kúres týraly konvensııa men ony tolyqtyratyn Hattamany ratıfıkasııalaý týraly zań jobasy da kóptegen suraqtar berilip, birshama máseleleri túsin­diril­gen soń maquldandy. 

Sondaı-aq keshegi otyrys­ta «Qazaq­stan Respýblıkasynyń keı­­bir kons­tıtýsııalyq zańdary­na Qazaqstan Res­pýblıkasynyń ákimshilik-aýmaq­tyq qurylysy máseleleri boıyn­sha ózgerister engizý týraly»­ kons­­­tıtýsııalyq zań jobasyna, «Qazaq­stan Re­s­­­pýb­lıkasynyń keıbir zań­­na­malyq aktilerine Qazaq­stan Res­pýblıkasynyń ákim­shilik-aýmaqtyq qu­rylysy máseleleri boıynsha óz­gerister men tolyq­tyrýlar engizý týraly» zań jobasyna, «2018-2020 jyldarǵa arnal­ǵan respýblıkalyq bıýdjet týraly» Qazaqstan Res­pýb­lıkasynyń Zańyna ózgeris­ter men tolyqtyrýlar engizý týraly» zań jobasyna, «Qazaq­stan Respýblıkasynyń keıbir zań­namalyq aktilerine dene shynyqtyrý jáne sport máse­leleri boıynsha ózgerister men tolyqtyrýlar en­gizý týraly» zań jobasyna jáne «Qazaqstan Respýblıkasynyń Úkimeti men Úndis­tan Respýblıkasynyń Úkimeti arasyndaǵy Birikken Ulttar Uıy­mynyń Lıvandaǵy Ýaqyt­sha kúshterindegi (BUULÝK) úndistandyq batalon­ quramynda qazaqstandyq bitim­ger­shilik kontıngentti bir­le­sip óristetý tártibi týraly óz­ara tú­sinistik týraly memorandýmdy ratıfıkasııalaý týraly» zań jobasyna qorytyndy ázirleý merzimderi belgilendi. 

Kún tártibindegi másele­ler qa­ralyp bolǵan soń depýtat­tardyń ortalyq atqarýshy or­gandarǵa joldaıtyn saýaldary jarııalandy.

Jaqsybaı SAMRAT,

«Egemen Qazaqstan»