Semeı qalasynda Baqytjan Saǵyntaevtyń qalanyń aktıvimen jáne jurtshylyq ókilderimen kezdesý barysynda «Fırma «Azııa» JShS qurylys kompanııasy Prezıdent Joldaýyna qoldaý kórsetý aıasynda qyzmetkerlerge eń tómengi jalaqy mólsherin 50%-ǵa deıin kóterý týraly sheshim qabyldanǵanyn jetkizdi.
«Biz Prezıdent Joldaýynda alǵa qoıylǵan mindetterdi iske asyrýǵa ázirmiz. Kelesi jyldan bastap biz kásiporynda eńbekaqyny 50%-ǵa kóteremiz», — dedi qurylys kompanııasynyń quryltaıshysy Á. Dosqojanov.
Jarma aýdanynda ken baıytý fabrıkasyn aralaǵannan keıin, Premer-Mınıstr Baqytjan Saǵyntaev «Baqyrshyq taý-ken óndirý kásiporny» JShS basshylyǵymen kezdesý ótkizdi. Elbasy Joldaýynyń mańyzdy baǵyttary talqylandy. Bas dırektor Iý. Ovchınnıkov kásiporyn jumyskerleriniń eńbekaqysyn arttyrý máselesin qarap jatqanyn jetkizdi.
Aıta ketý kerek, búgingi tańda kásiporynda 1097 qyzmetker jumys isteıdi. Onyń ishinde 97,2%-y — Qazaqstan azamattary. Budan ózge, kásiporynǵa merdiger uıymdardyń 700-ge jýyq qyzmetkeri tartylǵan. Sondaı-aq, bilikti kadrlardy daıarlaý maqsatynda Quzyrettilik ortalyǵyn qurý kózdelgen.
Bul nysanda Baqytjan Saǵyntaev ken baıytý fabrıkasy jumysynyń aǵymdaǵy nátıjelerimen tanysty. Baqyrshyq taý-ken óndirisi kásiporny Qazaqstannyń iri ken orny — Jarma aýdanyndaǵy Baqyrshyqta ken óndiredi, bul jerdiń qory bir tonnaǵa shaqqanda orta eseppen quramynda 7,7 gramm bolǵanda 280 tonna altynǵa baǵalanady. Qazirgi kezde «Jylyna 2 mln tonna ken óndiretin taý-ken baıytý kombınatyn salý» jobasy iske asyrylyp jatyr, joba oblystyń ındýstrııalyq-ınnovasııalyq damý baǵdarlamasyna engen. Kásiporynǵa salynǵan ınvestısııalardyń jalpy kólemi 133 mlrd teńgeden asady. Nysan 2018 jylǵy maýsym aıynda paıdalanýǵa berilgen. Tolyq jobalyq ónimdiligine 2019 jyly shyǵarý josparlanǵan.
Osy jerde Premer-Mınıstrge jańa «Qyzyl» jobasyn tanystyryp, onyń ónimderin ótkizý perspektıvalary kórsetildi. Kásiporynnyń bas dırektory Iý. Ovchınnıkov «Qyzyldaǵy» altyn qorynyń deńgeıi 280 t quraıtynyn aıtty, altynnyń úlesi joǵary. 2018 jyldyń toǵyz aıynyń ishinde 311,5 myń t ken óńdelgen, daıyn ónim — quramynda altyn bar 12 569 t kondensat óndirilgen. Bolashaqta joba altyn men basqa da paıdaly qazbalardy barlaý, óndirý, qaıta óńdeý, óńdeý, tasymaldaý jáne satý isin qarastyrmaq. Bul elimizdiń eksporttyq áleýetin arttyrý úshin qosymsha serpin bolady.
«Indýstrııa 4.0» aıasynda zamanaýı tehnologııalardy óndirýge kóbirek kóńil bólinip jatyr. Fabrıkada Fınlıandııa, OAR, Germanııa jáne basqa da óndiristerdiń biregeı tehnıkalyq jobalary iske asyrylǵan. Munda qoldanylatyn avtomattandyrylǵan júıeler adam faktorynyń óndiriske yqpalyn azaıtyp, jumysty qaýipsizdendirip, jaraqat alý qaýpin tómendetedi.
Jalpy, IIDMB negizgi maqsatty ındıkatorlary boıynsha óńdeý ónerkásibinde óńirde 2018 jyldyń qańtar–aqpan aılarynda eksport kólemi $252,1 mln qurady. Eńbek ónimdiligi $6,8 myń/adamdy quraıdy. 2018 jyly jalpy somasy 167,1 mlrd teńgege taǵy toǵyz jobany iske qosý josparlanyp otyr, 1,4 myń turaqty jumys oryndary qurylady. Bıyl tamyz aıynda negizgi kapıtalǵa 25,3 mlrd teńge ınvestısııa salyndy.
