Sondaı-aq aldaǵy 2019 jylǵa arnalǵan basty baǵdarlamalyq qujattyń eldegi barlyq otbasyǵa qatysy bar ekeni de aıqyn kórinedi. Buǵan ómir súrýge ornyqty da jaıly jaǵdaı týǵyzý, tabys pen turmys sapasyn arttyrý jóninde eń kókeıkesti máselelerdiń ózek bolǵany aıqyn aıǵaq.
Elbasynyń buǵan deıingi qyzmeti men júrgizip otyrǵan saıasaty eńbek adamynyń mártebesi men mereıin ósirýge, onyń esimin ardaqtaýǵa arnalyp kele jatqany dáleldeýdi qajet etpeıdi. Iıa, eńbek – bárin de jańbek. Osyǵan oraılas aıtar oıymnyń basty negizi osy kezekti Joldaýynda da Prezıdent eńbek adamy memleketimizdiń basty tiregi ekenin taǵy bir márte túıindep bergenin jetkizý edi. Eńbek ujymdarynda jumys jasaıtyn azamatardyń eńbegi men múddelerin qorǵaıtyn qoǵamdyq uıym –kásipodaqtar qozǵalysynyń óńirdegi ókili retinde bul másele eldik damý men órkenıet kóshine bet burýdyń basty bir joly dep túsinemin.
Joldaý joldaryna zer salyp tereń úńile qaraǵan ár adam munda eńbek adamy mártebesin odan ári kóterýge baǵyttalǵan baǵdar turǵanyna aıqyn kóz jetkize alady. Eń bastysy Joldaý áleýmettik-eńbek qatynastaryn odan ári tereńdete túsýge dem berýimen de erekshelene alady. Jumyssyzy joq birde-bir memlekte blomaıdy. Bunyń ózi – tabıǵı zańdylyq. Al sol jumyssyzdardyń sanyn azaıtý jóninde sharalar belgilense – bul basqa bir áńgimeniń enshisi. Túpteı kelgende Joldaý osy bir áleýmettik máseleni alǵa qoıýymende aıyryqsha. Buǵan shaǵyn jáne orta bıznestiń órisin ósirý, «Bıznestiń jol kartasy» baǵdarlamasynyń ekinshi tynysyn ashý jáne aýyl azamattaryna sharýashylyq júrgizýdiń jańa daǵdylaryn úıretý jóninde belgilengen is-qmyl josparlary dálel.
Jalaqy mólsherin kóbeıtý jóninde Elbasy tarapynan úkimetke berilgen tapsyrmalardyń áleýmettik jaýapkershiligi joǵary. О́ndiristik kásiporyndarda qyzmet jasaıtyn jumysshylardyń, sonymen birge áleýmettik sala qyzmetkerleri, muǵalimder men dárigerlerdiń eńbekaqysy ósýi –Elbasy tarapynan olardyń eńbeginiń laıyqty túrde baǵalanýy dep uǵynǵanymyz jón. Bul olar úshin materıaldyq jáne moraldyq turǵydan úlken qoldaý men stımýl bola alady. Al tutastaı alǵanda Memleket Basshysynyń qazaqstandyqtardyń ál-aýqatyn odan ári jaqsartýǵa baǵyttalǵan tereń mańyzdy Joldaýy elimizdiń odan ári ósip-órkendeı túsýine eleýli septigin tıgizedi dep bilemiz.
Altynbek Ámirǵalıev,
Aqtóbe oblysyndaǵy kásipodaqtar ortalyǵyyń tóraǵasy
AQTО́BE
