Iаǵnı,osy kúnnen-aq, jalpy bilim beretin orta mektepterdiń ózinde oqýshylardy suranysqa ıe mamandyqtarǵa qaraı beıimdep, kásibı túrde oqytý qajettigi baıqaldy. Sonymen birge, keler jyly «Pedagog mártebesi týraly» Zańdy ázirlep, qabyldaý jaıly aıtyldy. Bul árıne, bizder muǵalimder ortasy úshin óte jaqsy jańalyq dep oılaımyz.
Mysaly, bizdiń ortalyq daryndy, qabiletti oqýshylarǵa qosymsha bilim beretin óńirlik ortalyq retinde qyzmet etip keledi. Alǵashynda 2000 jyldary aımaqtyq ǵylymı- tájirıbelik ortalyǵy dep ataldy. Qazir bizdiń ortalyqty olımpıadalyq rezerv mektebi, «Joǵary Zııatkerlik Akademııasy» atty qosymsha bilim beretin, qalalyq jáne aýdandyq bilim bólimderimen jumys jasaıtyn ortalyq dep tanıdy. Oblystaǵy daryndy oqýshylardyń 1-shi sleti, 1-shi oblystyq zııatkerlik marafon ótti. Aýyl balalaryn zııatkerlik saıystarǵa daıyndaý maqsatynda «Ǵalym» keńes ortalyǵy ashyldy. Jyl saıyn oblystyq ǵylymı jobalar saıysy ótkiziledi. Mektep dırektorlary Assosıasııasy quryldy. Osy jyldar aralyǵynda 5-6 synyp oqýshylaryna arnalǵan oblystyq keshendi olımpıada, bastaýysh synyp oqýshylaryna arnalǵan I oblystyq matematıkalyq týrınr,7-8 synyp oqýshylaryna arnalǵan I aımaqtyq jas matematıkter týrnıri, 10-11 synyp oqýshylaryna arnalǵan Ábiken Bekturov atyndaǵy I Halyqaralyq hımııalyq olımpıadalary ótkizildi.
О́tken oqý jyly bizdiń óńirdiń oqýshylary Halyqaralyq deńgeıdegi ár túrli olımpıada jáne ǵylymı joba konkýrstaryndaǵy alǵan medaldar sany – 48, 13 altyn, 14 kúmis, 21 qola! Bilim salasyndaǵy bul jeńisterimiz, júldelerimiz áli de jalǵasady degen senimdemiz
bizdiń maqtanyshymyz. Al, Joldaýda mektepke deıingi bilim berý sapasyn túbegeıli jaqsartý kerektigi aıtyldy. Bilim berý isinde 4K modeline: kreatıvtilikti, synı oılaýdy, kommýnıkatıvtilikti damytýǵa jáne komandada jumys isteı bilýge basty nazar aýdarylýda. bolady.
Jalpy, balalardyń tehnologııalyq parki men bıznes-ınkýbatoryn ashý jaıyn kelsek-bizdiń oblys daıyn. Jalpy orta bilim berý mektepterinde matematıka jáne jaratylystaný baǵytynda bilim beriledi. Sondyqtan, oblystyq bilim berý basqarmasynyń uıymdastyrýymen jeti jyl qatarynan 7-8 synyptarǵa arnalǵan jaratylystaný-matematıka baǵytyndaǵy pán olımpıadasy ótkizilip keledi. Oqýshylar arasynda týǵan jer-ólketaný baǵdarlamasy aıasynda E. Bekmahanov atyndaǵy tarıh jáne ólketaný týrnıri uıymdastyrylýda. О́ńirdegi barlyq mektepterde robot tehnıkalary men shahmat kabınetteri ashylǵan.
Jańa standarttar boıynsha bilim berý jaǵdaıynda ustazdar oblys ortalyǵyndaǵy Nazarbaev Zııatkerlik mektepterinde arnaıy biliktiligin arttyrý kýrstarynan ótýde. Zaman jańa tehnologııalar men robot tehnıkasy damyǵan dáýir. Olaı bolsa, zaman jańalyǵymen birge biz de ózgerýmiz qajet. Memleket basshysy álemdik deńgeıdegi ózgeristerge saı bolý úshin bilim deńgeıin arttyrýdy mektepke deıingi mekemelerden bastaý kerektigin aıtty.
Sebebi, erteń mektep tabaldyryǵyn attaıtyn búldirshinder bastaýysh synypqa beıimdelip ketý úshin qazirgi kúnnen bastap balalardyń óz betinshe oqý mashyǵy men áleýmettik daǵdysyn damytý qajet. Osy kúni mektepter jańa oqýlyqtarmen, baǵdarlamalarmen jumys isteýde. Bilimdi urpaq-elimizdiń bolashaq mamandary. Mine, Joldaýda aıtylǵan keleli máseleler bolashaq urpaq úshin- bizdiń bilim berý salasyna jańa zaman talabyna saı qajet-ózgerister dep oılaımyn.
Ǵajdembek TURSYNOV,
«Ertis daryny» óńirlik qosymsha bilim
berý oqý-ádistemelik ortalyǵynyń dırektory
Pavlodar oblysy
