Mártebeli qonaqtar Qazaqstanǵa Transshekaralyq aǵyn sýlar men halyqaralyq kólderdi qorǵaý jáne paıdalaný týraly konvensııanyń Taraptary Keńesiniń 8-shi sessııasyna qatysý úshin keldi.
Qazaqstan men Majarstan osy mańyzdy halyqaralyq sharanyń negizgi qatysýshylary bola otyryp, bizdiń elimiz atalǵan komıssııada aldaǵy 3 jylǵa (2019 – 2021 jyldary) Majarstannan tóraǵalyqty qabyldap alýda.
Q. Ábdirahmanovtyń aıtýynsha, Astanadaǵy kezdesý Azııa aımaǵyndaǵy Sý konvensııasy taraptarynyń Birinshi otyrysy bolyp tabylady. «Transshekaralyq yntymaqtastyq bizdiń elimiz úshin asa mańyzdy. Ol keshendi, biriktirilgen jáne strategııalyq tásildi talap etedi», - dedi Qazaqstan SIM basshysy.
Suhbattastar sondaı-aq eki el arasyndaǵy ekijaqty jáne kópjaqty formattaǵy ózara árekettestik strategııalyq seriktestiktiń sıpatyna negizdelgen is-qımyldyń barlyq negizgi aspektilerin talqylady. Mınıstrler ortaq pikirde basymdyqqa ıe saýda-ekonomıkalyq yntymaqtastyqty damytýdyń ońdy ekenin atap ótti. Ekonomıkalyq yntymaqtastyq jónindegi úkimetaralyq komıssııa, Iskerlik jáne Strategııalyq keńester sátti jumys istep keledi, Astanada «Majarstan saýda úıi» ashyldy, ekonomıka salasynda qajetti shart-quqyqtyq baza qurylǵan, eki el astanalary arasynda tikeleı áýeqatynas ashyldy. Majarstan jyl saıyn Qazaqstan azamattaryna 200 bilim berý grantyn bólip turady jáne olardyń sanyn 250-ge deıin ósirmekshi. Majarstannyń úkimeti ótken aıda Sholpan-Atadaǵy Túrki Keńesiniń sammıti barysynda baqylaýshy bolyp, uıymmen baılanystardy tereńdetý baǵytynda birqatar qadamdar jasaýdy kózdep otyr.
O. Algaerovamen kezdesý barysynda sý, ekologııalyq, energetıkalyq jáne azyq-túlik qaýipsizdigin qamtamasyz etý máseleleri talqylanyp, BUU-nyń Turaqty damý maqsattaryn iske asyrýdyń mańyzdylyǵy atap ótildi.
Bul turǵyda, SIM basshysy Qazaqstan halyqaralyq quqyqqa negizdele otyryp, Konvensııany júzege asyrý boıynsha belsendi jumys atqaryp jatqanyn atap ótti. Qazaqstan BUU EEK-pen yntymaqtastyqty damytýǵa úlken mán beredi jáne energetıka, kólik, saýda, qorshaǵan ortany qorǵaý, standarttar, sondaı-aq «jasyl» tehnologııalardy paıdalaný sııaqty salalarda yntymaqtastyqty nyǵaıtýda Komıssııa róli men úlesin joǵary baǵalaıdy. Taraptar Ortalyq Azııadaǵy jan-jaqty yntymaqtastyqty tereńdetý men keńeıtýdiń erekshe ózektiligi boıynsha kelisti.
