Baǵdarlamanyń aımaqtyq úılestirýshisi Asqar Sekerbaevtiń aıtýynsha, baǵdarlama Orta Azııany damytý qory men «Teńizshevroıl» JShS-niń qarjylaı qoldaýymen júzege asyp keledi. Maqsat- qoǵamnyń áleýmettik, ekonomıkalyq jáne ekologııalyq máselelerine turaqty kásipkerlik sheshimderdi usynýǵa baǵyttalǵan ınnovasııalyq áleýmettik bastamalarǵa serpin berý. Áleýmettik kásipkerlikpen aınalysamyn deýshilerge 1,5 mln- 3 mln teńge bólinedi. Paıyzsyz qaryz 5 jylǵa berilmek.
- Bul joba óte tıimdi. Qazir usynylyp jatqan granttardyń ishinde eń joǵarǵy qarjy bolyp sanalady. Kóbine úlken kólemdegi qarjylar nesıege beriledi. Mańǵystaýlyqtarǵa qor qarajaty jańasha baǵytta kásip damytýǵa septigin tıgizetinine senim artamyn, deıdi óńirlik kásipkerler palatasynyń dırektory Nurbek Qarasaev.
2016-2018 jyldar aralyǵynda bul baǵdarlama Atyraýda júzege asty. О́tken jyldyń ózinde munaıly óńirde 7 áleýmettik-kásipkerlik joba damyǵan. Barlyǵyna 62 myń dollardan astam qarjy bólingen eken.
«Jarqyra» baǵdarlamasyna qatysýshylardyń jasyna shekteý qoıylmaıdy. Ári ony úırený talaptary qarapaıym. Baǵdarlama eki kezeńnen turady. Birinshi –áleýmettik ıdeıalardy irikteý kezeńi, ekinshi kezeń- qatysýshylardy tanystyrý, semınar men dárister oqý. Sondaı-aq taǵylymdamadan ótip, keńes berilip, bıznes-jobalaryn qorǵaý. Iаǵnı, áleýmettik ıdeıany bıznes josparǵa deıin jetkizý barysyn qamtıdy.
Baǵdarlama arqyly áleýmettik kásipkerler qordan jyl saıyn qarjylaı qoldaý alýyna múmkindigi bar. Baǵdarlama balalar men jastar, densaýlyq saqtaý, bilim berý, halyq dástúrlerin jandandyrý, ekologııa, sport, mádenıet jáne óner, osal adamdarǵa qoldaý kórsetý: jalǵyz, múgedekter, qarttar, oralmandar jáne t.b. baǵyttar boıynsha júrgizilmek.
Baǵdarlamany júıeli júrgizý úshin Mańǵystaý oblysy kásipkerler palatasy men Eýrazııa Orta Azııa qory arasynda túsinistik jónindegi memorandýmǵa qol qoıyldy.
Gúlaıym ShYNTEMIRQYZY,
«Egemen Qazaqstan»
Mańǵystaý oblys
