Plenarlyq májilisten keıin lektorııge kelgen mamandar men ǵalymdar «Dástúrli qazaq qoǵamyndaǵy medıasııa» jáne «Qazaqtaný» jobasy boıynsha eki alańshaǵa bólinip jumys istedi. Qazaqtarmen birge júzden asa etnostar turyp jatqan Qazaqstanda halyqtyń birligi arta túsý úshin atqarylatyn jumystar joq emes.
«Qazaqtaný» jobasynyń maqsatyı – qazaq etnografııasyn taný, halqymyzdyń dástúri, ádebıeti, mádenıeti, fılosofııasy týraly elimizdegi túrli etnostarǵa tereń aqparattar berý bolyp tabylady. Onyń syrtynda bul jobanyń etnosaralyq qarym-qatynastar, kóshi-qoń máselesi, qazaq dástúrlerin saqtaý, ony jańǵyrtý sekildi ishki baǵyttary da tolyp jatyr. Lektorııde kóshi-qoń, etnosaralyq máselelerdi qamtydyq. Qazaqstannyń soltústik óńirlerinde halyqtyń sany azaıyp bara jatyr. Onyń ornyn qalaı toltyrýǵa bolady nemese ony qalaı saqtap qalamyz? Halyqtyń kóshýimen birge sharýashylyq qurylymdar da ózgeredi. Adamdardyń kóshý-qonýy onyń quqyndaǵy másele. Biraq onyń memlekettik múddeli jaǵy da bar. Sharýashylyq qurylymdardy da saqtap qalýymyz kerek. Osyndaı máseleler Qazaqstandy otanym deıtin adamdardyń barlyǵyn oılantýy tıis» deıdi tarıh ǵylymdarynyń doktory, professor Jambyl Artyqbaev.
Lektorııde áleýmettik medıasııa máselesi de tereń taldandy.
Sharaǵa jınalǵandar búgin toptarǵa bólinip, Lısakov, Rýdnyı qalalaryna jáne Qarabalyq aýdanyna baryp, turǵyndarmen kezdesedi, leksııalar oqıdy.
Názıra JÁRIMBET,
«Egemen Qazaqstan»
Qostanaı
