Aqparat quraldaryna qolǵa túsirý operasııasy týraly naqty málimet berilmegen. Kelip túsken aqparat boıynsha, polısııa qyzmetkerleri Redýan Faıdty Fransııanyń soltústigindegi Kreı qalasynda ustaǵan. Qylmyskermen birge taǵy 6 adam tutqyndalǵan, olardyń úsheýi Fıdannyń týysy.
Faıd – Fransııanyń atyshýly qylmyskerleriniń biri. Onyń Aljırden Fransııaǵa qonys aýdarǵan ákesi de 90-jyldary qylmyskerler tobyn basqarǵan.
Redýan birinshi ret 1998 jyly 18 jylǵa sottalyp, 10 jyldan keıin erkindikke shyǵady. 2018 jyly sáýir aıynda urlyq jasaǵany úshin 25 jylǵa bas bostandyǵynan aıyrylǵan. Redýan Faıd Fransııanyń Reo qalasyndaǵy jazasyn ótep jatqan túrmeden 1 shilde kúni qashyp ketedi. Qylmyskerdi zamanaýı qorǵanys júıesimen jabdyqtalǵan jaza úıinen tikushaqpen alyp qashqan.
