Parlament Senaty Áleýmettik-mádenı damý jáne ǵylymı komıtetiniń tóraǵasy Birǵanym Áıtimova bastaǵan kóshpeli otyrysqa komıtet músheleri Murat Baqtııaruly, Baqytjan Jumaǵulov, Dınar Nóketaeva, Darhan Satybaldy jáne Serik Bekturǵanov qatysty.
Jumys sapary barysynda depýtattar birqatar áleýmettik nysandardyń jaǵdaıymen tanysty. Senatorlar Aqkól aýdanynda 2017 jyly salynǵan ortalyq aýrýhanany aralady. Bir aýysymda 250 naýqasty qabyldaı alatyn zamanaýı jabdyqpen jabdyqtalǵan aýrýhanada 125 adamǵa jumys orny ashylǵan bolatyn.
Senatorlar Bulandy aýdanyndaǵy T.Kákishev atyndaǵy orta mektepte ǵımarat qurylysynyń sapasyn tekserip, olqylyqtardyń jóndelgenine kóz jetkizdi. Apat jaǵdaıyndaǵy mekteptiń uzaq jyldar boıǵy máselesi – negizgi ǵımaratqa jóndeý jumystary júrgizildi jáne 2019 jyly sportzaldy jóndeý máselesi sheshiledi.
Prezıdent tapsyrmalarynyń tabysty júzege asýynyń nátıjesi – Makınsk mektep-lıseıi jáne Ortalyq Azııadaǵy Makınsk qus fabrıkasy bolyp otyr.
Býrabaı aýdanynda Áleýmettik-mádenı damý jáne ǵylym komıtetiniń kóshpeli otyrysy ótti. Otyrys barysynda oblys ákimi Málik Myrzalın bilim berý jáne densaýlyq saqtaý salalaryndaǵy memlekettik-jekemenshik áriptestik máselesiniń jaǵdaıy jáne óńirdegi týrızm salasyn damytý týraly habardar etti.
Aqmola oblysy ákiminiń aqparatyna sáıkes, óńirde memlekettik-jekeshelik áriptestik aıasyndaǵy jalpy somasy 9 mlrd teńge bolatyn 41 joba, bilim berý salasynda jalpy ınvestısııalar somasy 792 mln teńge bolatyn 27 joba iske asýda. Jyldyń sońyna deıin memlekettik-jekeshelik áriptestiktiń 3 jobasy – Ereımentaý aýdanynda 2 balabaqsha jáne Jarqaıyń aýdanyndaǵy «Solnyshko» balabaqshasyn senimdi basqarýǵa berý josparlanyp otyr.
О́ńirde memlekettik-jekemenshik áriptestik aıasynda densaýlyq saqtaý salasynda 3 joba júzege asýda. О́ńirdik týrızm klasterine osy saladaǵy 700-den astam kásiporyn kiredi. «Oblys ákimdigi men «McKinsey&Company» halyqaralyq konsaltıngtik kompanııasy birlese otyryp, Shýchınsk-Býrabaı demalys aımaǵyn damytý jospary boıynsha sheberlik jospary ázirlenýde. Shýchınsk-Býrabaı demalys aımaǵynda týrızmdi damytýdyń negizgi jerleri – Býrabaı aýyly, Shýchınsk qalasy jáne Qotyrkól ózeniniń janyndaǵy aımaqtar bolyp tabylady. Zerendi demalys aımaǵy óńirdegi týrızmdi damytý kartasyndaǵy negizgi aımaq bolýy tıis», - dep atap ótti Málik Myrzalın.
Jumys sapary barysynda depýtattar Prezıdenttiń «Qazaqstandyqtardyń ál-aýqatynyń ósýi: tabys pen turmys sapasyn arttyrý» atty Qazaqstan halqyna Joldaýyn talqylaý boıynsha aýdan aktıviniń otyrysyna qatysty. Talqylaý barysynda óńirdiń kókeıkesti máseleleri men ony damytý keleshegi týraly aıtyldy.
Ustazdar qaýymy, densaýlyq saqtaý salasynyń qyzmetkerleri, barlyq deńgeıdegi máslıhat depýttatary jáne sharýashylyq júrgizýshi sýbekt pen shaǵyn jáne orta bıznes ókilderi Elbasynyń áleýmettik bastamalaryn qoldaıtyndaryn jetkizdi.
