Joldaýdy iske asyrý úshin mınıstrlik Prezıdent Ákimshiliginiń basshylyǵymen qazaqstandyq polısııany jańǵyrtý jónindegi Jol kartasyn ázirleýdi bastady.
Jol kartasynda IIM-niń shtattyq sanyn ońtaılandyrý, basqarýshylyq býyndy qysqartý, polısııany oǵan tán emes fýnksııalardan aryltý josparlanýda. Polısııany baǵalaý ólshemderi túbegeıli ózgertilip, qoǵamnyń senim deńgeıi men halyqtyń qaýipsizdigin arttyrýǵa baǵyttalady.
Sondaı-aq, Q. Qasymov ishki ister organdarynyń jumysyn servıstik úlgige aýystyrýdy kózdeıtin halyqpen jumys isteýdiń zamanaýı formattaryn engiziletini, kadrdi irikteý júıesinen bastap, ornalastyrýǵa jáne qyzmet babynda joǵarylatý boıynsha polısııanyń jańa standarttary bekitiletini, vedomstvolyq bilim berý júıesiniń túbegeıli ózgertiletini týraly habarlady.
Jalpy respýblıka boıynsha aǵymdaǵy jyldyń 9 aıynda qylmys sany 9% ( 20,7 myń.) qysqardy. Qoǵamdyq oryndar men kóshelerde jasalatyn qaraqshylyq, tonaý, buzaqylyq qylmystary, buryn sottalǵandar, mas bolyp qylmys jasaý jáne kámeletke tolmaǵnadardyń qylmysy tómendedi.
Q.Qasymov óńirlerde qylmysqa qarsy kúresti jáne quqyq buzýshylyqtardyń aldyn alý jónindegi jumysty jandandyrýdy tapsyrdy. Bul rette qylmystyń basym bóligin quraıtyn urlyqqa qarsy is-qımyl máselelerine erekshe nazar aýdaryldy.
Sondaı-aq Jedel basqarý ortalyqtarynyń jumysyn jaqsartý, quqyqtyq tártipti qorǵaýdy jáne azamattardyń qaýipsizdigin qamtamasyz etý boıynsha kezekshi bólimderdiń polısııanyń kúsh-quraldaryn basqarýdy jaqsartý máseleleri talqylandy.
IIM-niń alqa májilisinde mınıstrliktiń ortalyq apparaty qyzmetteriniń jáne óńirlik departamentterdiń basshylaryna ishki ister organdary qyzmetiniń basqa da baǵyttary boıynsha naqty tapsyrmalar berildi.
