Qazaqstannyń sosıal-demokratııalyq «Aýyl» partııasy óziniń saılaýaldy tuǵyrnamasyn nasıhattaý isin elimizdiń ár óńirinde qyzý qarqynmen júrgizýde. Tek keshegi kúnniń ózinde ǵana partııa atynan Parlament Májilisi depýtattyǵynan úmitker retinde tirkelgen partııa músheleri 20-ǵa tarta kezdesý ótkizdi. Solardyń biri Almaty oblysy, Kerbulaq aýdanynyń ortalyǵynda jáne aýdannyń Tastyózek kentinde Parlament Májilisi depýtattyǵynan úmitker Sársenǵalı Ájibaevpen bolyp ótti.
Jınalysqa qatysýshy adamdar partııanyń saılaýaldy tuǵyrnamasyna qoldaý bildiretindigin, aýyl múddesin qoldaıtyn bir partııanyń bizdiń qoǵamymyzǵa qashanda bolsyn qajet ekendigin, sondyqtan «Aýyl» partııasynyń el Parlamenti Májilisinen oryn alýyna umtylatyndaryn jetkizdi.
Osyndaı kezdesý Astana qalasyndaǵy «Astana-Býrabaı» ónerkásiptik bazasynda da bolyp ótti. Munda jınalǵan qaýym Parlament Májilisi depýtattyǵynan «Aýyl» partııasynyń atynan úmitker bolyp tirkelgen aýyl sharýashylyǵy salasyndaǵy belgili ǵalym, aýyl sharýashylyǵy ǵylymdarynyń doktory, akademık Kópmaǵambet Elemesovpen kezdesti. Kezdesý tartymdy da mazmundy boldy. Aýyl sharýashylyǵynyń jaǵdaıymen jete tanys akademık osy saladaǵy jumystardyń qazirgi barysyna, sonymen qatar, partııanyń saılaýaldy tuǵyrnamasyna keńinen toqtaldy. «Aýyl» partııasynyń kózdeıtin maqsat-múddesi elimizdiń kópshilik qarapaıym halqynyń quqyǵy men bostandyǵyn qamtamasyz etý, áleýmettik problemalaryn sheshý ekendigin ártúrli faktiler arqyly jetkizip aıtyp berdi.
Bul basqosýda da «Aýyl» partııasynyń saılaýaldy tuǵyrnamasyn jaqtaıtyndar kóp bolyp shyqty. Sonymen birge, olar elimizdegi keıbir problemalyq máselelerdi de atap kórsete otyryp, olardyń sheshilýine «Aýyl» partııasynyń belsene qatysatyndyǵyna senim bildiretindikterin aıtyp ótti.
Dál osyndaı kezdesýler Aqtóbe oblysynyń birqatar eldi mekenderinde, Soltústik Qazaqstan oblysynyń Qyzyljar aýdanynda, Ońtústik Qazaqstan oblysynyń Kentaý qalasynda jáne elimizdiń basqa da óńirlerinde bolyp ótti.
Suńǵat ÁLIPBAI.
