Bul jóninde Túrkistan oblystyq óńirlik kommýnıkasııalar qyzmetinde ótken brıfıngte energetıka jáne turǵyn úı-kommýnaldyq sharýashylyq basqarmasynyń basshysy Marǵulan Maraıym málim etti. Oblys boıynsha jeke turǵyndardyń kómir otynyna degen jalpy qajettiligi – 902 myń tonna bolsa, temir jol stansııalaryndaǵy qoımalarǵa tasymaldanǵany – 689,1 myń tonna. Basqarma basshysynyń málimdeýinshe, oblystaǵy ortalyqtandyrylǵan jylýmen qamtamasyz etiletin kópqabatty turǵyn úılerdiń sany – 544, olar jylý berý maýsymyna daıyn. Sondaı-aq bıýdjettik mekemelerge qajetti 169,1 myń tonna kómir tolyq tasymaldanǵan. Al oblystaǵy temir jol stansııasy qoımalaryndaǵy 1 tonna kómirdiń baǵasyna kelsek, «Shubarkól» kómiri – 14-15 myń teńge, «Botaqara» kómiri – 10-11 myń teńge kóleminde. Oblystyń soltústik jáne taýly aımaqtarynda atap aıtqanda, Sozaq, Tólebı, Túlkibas aýdandarynda 15 qazannan bastap jylý berilýde.
Aıta ketelik, úshinshi megapolıs Shymkent qalasynda jylý jyldaǵy jospardan erte berile bastady. Qala ákimdiginiń habarlaýynsha, dúısenbiden ıaǵnı, 15 qazannan bastap bıýdjettik uıymdarǵa jylý berilgen, al kópqabatty úılerge jylý 20 qazannan bastap qosylady.
Ǵalymjan ELShIBAI,
«Egemen Qazaqstan»
Túrkistan oblysy
