Osyǵan oraı Almatydaǵy QR Memlekettik ortalyq mýzeıi men Qazaqstan Respýblıkasyndaǵy Shvesııa Koroldigi elshiligi Shvesııa ınstıtýtymen birlesip «Ingmar Bergmannyń óner men sán álemindegi murasy» atty memorıaldyq kórmesin ashty.
Kórmeniń ashylý saltanatynda QR Memlekettik ortalyq mýzeıiniń dırektory, professor Nursan Álimbaı men Qazaqstan Respýblıkasyndaǵy Shvesııa Koroldiginiń Tótenshe jáne О́kiletti Elshisi Mats Foıer myrza sóz alyp, Ingmar Bergmannyń álemdik kıno jáne teatr óneriniń damý tarıhyna qosqan ólsheýsiz úlesin atady. 89 jyl ómir súrgen rejısser 170-ten astam teatr qoıylymynyń avtory atandy. 60-tan astam kórkem jáne derekti fılmder túsirip, basym bóliginińń ssenarııin ózi jazdy. Bergmannyń shyǵarmashylyǵy Fellın, Antonıonı, Tarkovskıı syndy dara tulǵalardyń qatarynda.
Sol sııaqty Ingmar Bergmannyń «Jetinshi mór» (1957), «Qulpynaı alqaby» (1957), «Persona» (1966), «Sybyr men aıǵaı» (1972), «Fannı men Aleksandr» (1982) atty kartınalary álemdik kınotýyndylar qataryna engen.
Kórme ekspozısııasy avtordyń jeke ómir joly men shyǵarmashylyǵy týraly fotoqujattardan bastalady. Onyń túsirim alańyndaǵy jáne, akterlarmen jumys istep jatqan sátteri, jeke otbasylyq fotosýretteri qoıylǵan. I. Bergmannyń aıtqan danalyq sózderi men onyń fılmderine jasalǵan afıshalar kórme zalyn tolyqtyryp tur.
Kórme aıasynda, kelýshiler nazaryna avtordyń sán álemi, mýzyka, teatr jáne bıge arnalǵan qysqametrajdy fılmderi usynylýda.
Aınash ESALI,
«Egemen Qazaqstan»
ALMATY
