Senatorlar aldymen Aqpáter aýyldyq okrýgi aýmaǵyndaǵy Oral-Kóshim júıesinen basseınaralyq sýdy tasymaldaýǵa arnalǵan Kırov-Shejin arnasyn jańǵyrtý jumystarynyń barysyna kýá boldy. Reseıden keletin sýǵa táýeldilikti azaıtýdy maqsat etken bul jobany júzege asyrý úshin respýblıkalyq bıýdjetten qomaqty qarajat bólingen bolatyn. Qarasha aıynyń aıaǵyna deıin bul qurylys paıdalanýǵa beriletin bolady.
Senatorlar odan keıin Jalpaqtal aýylyndaǵy eki qabatty 12 páterlik turǵyn úı qurylysynda da boldy. Depýtattar K.Meńdálıev atyndaǵy mekteptiń mýzeıi men IT synybyn kórip, qazirgi zamanǵy tehnıkamen jabdyqtalýy barysymen tanysty. Sapar barysynda Ǵ.Moldashev atyndaǵy mektepte, Jalpaqtal aýrýhanasynda, «Ertegi» bóbekjaıynda bolǵan senatorlar mekeme qyzmetkerlerimen júzdesý kezinde Joldaýdyń negizgi baǵyttaryn túsindirdi. Ujym músheleri Elbasynyń júrgizgen saıasatyn, Joldaýdy tyńdap, árdaıym qoldaıtyndyqtaryn jetkizdi. Sondaı-aq «Pedagogtar mártebesi týraly» zańnyń qajettiligi, Jastar jylyn jarııalaýdyń mańyzy, agroónerkásip koopertıvteri men qaıta óńdeý salasyn, jalpy básekelestik pen ómir sapasyn artyrýǵa baǵyttalǵan baǵdarlamalardyń qajet ekeni aıtyldy.
