Jaqynda ózimiz turatyn Denısov stansasyna «Salamatty Qazaqstan» atty densaýlyq poıyzy keldi. Kent, jaqyn mańdaǵy aýyldar turǵyndary japa-tarmaǵaı baryp kórindi. Poıyz degeni bolmasa, kádimgi kóshpeli emhana sekildi. Ishinde at sabyltyp aýdan, oblys ortalyǵyndaǵy aýrýhanalarǵa izdep baryp kórinetin medısınalyq jańa úlgidegi jabdyqtardyń barlyǵy bar. Dárigerler men medbıkeler jyly qarsy alyp, quraq ushyp, medısınalyq tekserýlerdiń barlyǵynan ótkizedi. Meniń birazdan beri densaýlyǵym syr berip, mazam bolmaı júrgen. Aýylda turǵan soń, kúndelikti sharýamen keıde der ýaqytynda dárigerge júgirýge múmkindik bola bermeıtini jasyryn emes.
Kezegim kelgen soń men de dárigerdiń aldyna kirdim. Kardıolog dáriger qaraǵan soń, maǵan: «Sizdiń naýqasyńyz jedel emdeýdi talap etedi. Qazir aýrýhanaǵa jetkizemiz. Onda baratynyńyzdy otbasyńyzǵa habarlap aıtyp qoıyńyz, qoryqpasyn, emdelip shyǵasyz», dedi. Sál keshikkenimde, júrek talmasynan qulaıtyndaı jaǵdaıda ekenmin. «Jedel járdem» qyzmetin shaqyrdy da, dárigerler meni tez arada aýdandyq aýrýhanaǵa jetkizdi. Sol jerde júregime em alyp, otbasyma táýir bolyp oraldym.
Ajaldan aman qalǵan adamnyń kóńil-kúıin árkim túsiner dep bilemin. Osy poıyzda qyzmet kórsetken oblystyq temir jol aýrýhanasynyń dárigerlerine alǵysymdy aıttym. Buryn osyndaı úzdik medısınalyq qyzmet búgingideı aýyldy aralap júrip pe edi?! Bul da táýelsiz elimizdiń alǵa basqan sátti qadamynyń biri dep oılaımyn. «Salamatty Qazaqstan» densaýlyq poıyzyn uıymdastyrýdy tapsyrǵan Elbasy Nursultan Nazarbaevqa alǵysym sheksiz.
Denısov aýdany oblys ortalyǵynan shalǵaılaý jatsa da, jaǵdaıymyz jaman emes. Aýdanymyzdyń birqatar eldi mekenderi biraz jyldardan beri kógildir otyndy paıdalanady. Aýylda otyryp oq jaqpaıdy. Endi ótken jyldan beri kógildir otyn aýdan ortalyǵyna jáne basqa aýyldarǵa da jetkizilip jatyr. Aýyldaǵylardyń jaǵdaıy birte-birte kóterilip keledi, tamaǵymyz toq, kóılegimiz kók. Aýyl-úı, kórshilerdiń arasynda qandaı ulttyń ókili joq dersiz. Barlyǵy da bir atanyń balalaryndaı tatý-tátti ómir súrýde. Keń qoltyq qazaq jurty qandaı qonaqjaı deseńshi, adamgershilik qasıetti Jaratqan osy halyqtyń qanyna bergen. Aýylda bir-birimizge qarap, alǵa umtylamyz, biri-birimizdi syılap aralasamyz.
Osyndaı jerde týyp, osyndaı elde ómir súrip jatqanymyzǵa rızamyz. Tilegimiz eldiń ústinde.
L.ChERNIаVSKAIа.
Qostanaı oblysy, Denısov aýdany.
