Eske salsaq, reıtıng 35 jyldan beri shyǵarylyp keledi. Qazaqstan reıtıngke 2006 jyldan beri qatysady. Esepke sáıkes, 140 eldiń ishinde Qazaqstan 59 oryn alyp otyr (Úndistan – 58 jáne Kolýmbııa – 60), bul 2017 jylǵy jaıǵasymǵa sáıkes keledi (jańa ádistememen esepteý boıynsha – 59 oryn). 12 básekege qabilettilik faktory boıynsha jaqsartý bes faktor boıynsha oryn aldy: «Instıtýttar» +12, «Taýarlar naryǵy» +10, «Infraqurylym»» +3, «Eńbek naryǵy» +3, «Qarjylyq júıe» +2. Tómendeý tórt faktor boıynsha oryn aldy: «Daǵdylar» -5, «Densaýlyq» -3, «Bıznestiń qarqyndylyǵy» -2, «Makroekonomıkalyq turaqtylyq» -1. Úsh faktor boıynsha jaıǵasym ózgergen joq: «Aqparattyq kommýnıkasııalyq tehnologııalar», «Naryq kólemi», «Innovasııalyq áleýet».
«Álem boıynsha Qazaqstan mynadaı parametrler boıynsha 1 oryn alǵanyn atap kórsetkim keledi: korporatıvtik basqarý salasyndaǵy aksıonerlerdiń quqyǵy; taratý jáne qaıta qurylymdaý rásimderine qoldanylatyn quqyqtyq bazanyń balamalylyǵy men tutastyǵy; elektrlendirý dárejesi», - dedi mınıstr.
Budan basqa, Qazaqstan bıznes ashý quny boıynsha jetinshi orynda jáne múddeler qaıshylyǵyn retteý boıynsha 11 orynda tur. «Kóptegen faktorlar boıynsha Qazaqstan aımaqtaǵy elderden jáne tabysy salystyrmaly deńgeıdegi elderden ozyq turǵandyǵyn aıryqsha atap ótken jón. Tabysy uqsas deńgeıdegi eldermen salystyrǵanda Qazaqstan «Makroekonomıkalyq turaqtylyq», «AKT», «Eńbek naryǵy», «Naryq kólemi», «Bilim jáne daǵdylar», «Bıznestiń qarqyndylyǵy» faktorlary boıynsha joǵary kórsetkishke ıe», - dedi mınıstr.
Ekinshi jyl qatarynan, alǵashqy tórttiktegi elder sol qalpy qaldy, bular AQSh, Sıngapýr, Germanııa jáne Shveısarııa. TMD elderiniń arasynda Reseı kóshbasshy bolýda (43 oryn, 2 jaıǵasymǵa joǵary), odan ári Qazaqstan (59 oryn, ózgerissiz), Grýzııa (66 oryn, br jaıǵasymǵa joǵary). DEF Qazaqstandy «Eńbek naryǵy» -30 oryn jáne «Bıznestiń qarqyndylyǵy» - 37 oryn sekildi faktorlar boıynsha básekelestik artyqshylyqqa ıe dep belgiledi. Sonymen bir ýaqytta «Qarjylyq júıe» (100), «Densaýlyq» (97) jáne «Innovasııalyq áleýet» (87) DEF JBI reıtınginde Qazaqstannyń álsiz faktorlary bolyp tabylady.
«Tutas alǵanda, jyl saıynǵy reıtıng nátıjeleri Memleket basshysynyń Joldaýlarynda belgilengen mindetterdi júzege asyrý boıynsha Úkimet júrgizip jatqan jumystardyń ekonomıkanyń básekege qablettiligin arttyrýda jáne azamattarymyzdyń ál-aýqatyn kóterýde kórinis tapqanyn aıǵaqtaı túsedi», - dedi Tımýr Súleımenov.
