UShÝ QAÝIPSIZDIGIN SAQTAÝ

búgingi tańdaǵy mańyzdy másele bolyp otyr Áskerı konsýltatıvtik keńes aıasynda ótkizilgen respýblıkalyq konferensııada negizinen Qazaqstan Respýblıkasy memlekettik avıasııa­sy­nyń ushý qaýipsizdigindegi mańyzdy máseleler ortaǵa salyndy. Onyń jumysyna Qorǵanys mınıstriniń birinshi orynbasary, osy vedomstvo Shtabtar bastyǵy komıtetiniń tóra­ǵa­sy, armııa generaly Muhtar Altyn­baev jetekshilik etti. Konferensııaǵa Ult­tyq qaýipsizdik komıteti shekara qyz­metiniń, Kólik jáne kommýnıka­sııa, Tótenshe jaǵdaılar jónindegi jáne Ishki ister mınıstrlikteriniń ókilderi, avıasııalyq bólimderdiń ko­mandırleri qatysty. Jıynda Elbasy Nursultan Nazarbaevtyń  respýblıka Qorǵanys mınıstrliginiń keńeıtilgen alqa otyrysynda alǵa qoıǵan tap­syr­­ma­laryn keleshekte dáıektilikpen júzege asyrý qajettigi jóninde atap aıtyldy. Konferensııada sóz alǵan armııa generaly Muhtar Altyn­baev jáne basqa laýazym ıeleri sońǵy ýaqyt­taǵy áýe oqıǵalarynyń sebe­pterin sarapqa saldy. Shyn má­nisinde de ushý qaýipsizdiginiń qajetti shartyn, tehnıkalyq qaýipsizdikti saqtaý tek Qorǵanys kúshterine ǵana emes, son­daı-aq shekara qyzmeti, ishki ásker­ler, tótenshe jaǵdaılar qury­lym­daryna da qatysty ekendigi na­zar­­dan tys qalmady. Árıne, mundaǵy basty talap – apattardyń aldyn alý, ony boldyrmaý joldaryn qarasty­rýda barlyq kúsh-qýatty biriktirip, uıymshyldyq, iskerlik tanytý qajet. Jıynda ótken 2009 jylǵy ushý qaýipsizdigi jaǵdaılary, sonymen qa­tar sońǵy bes jyl kóleminde oryn alǵan áýe oqıǵalarynyń sebep-sal­darlaryna taldaý jasalýynyń óz mańyzy bar. Sóz arasynda kezdeısoq apattardyń aldyn alýǵa yqpal etetin eń mańyzdy is-sharalardyń qataryn­da tájirıbe almasýdyń qajettiligi joǵary ekendigi aıtpasa da túsinikti. Konferensııada memlekettik áýe ke­melerimen birlesip jumys isteý jáne aqparat almasýdyń negizgi baǵyttary da aıqyndaldy. Eń bastysy, Qazaq­stan memlekettik avıasııasynyń ushý qaýipsizdigi jóninde jańa qujat ja­saldy. Jıynǵa qatysýshylar budan keıin trenajerlik keshendegi ushý quramynyń tájirıbe júzinde kór­set­ken is-sharalarymen, qazirgi zamanǵy tehnıkalyq jabdyqtarmen jan-jaqty túrde tanysty. Baqyt BALǴARINA, Almaty.