Lıtva memleketiniń qaıta qurylýynyń 100-jyldyq mereıtoıyna oraı Prezıdent N.Nazarbaevtyń quttyqtaýyn jetkize otyryp, V.Temirbaev Qazaqstan men Lıtva arasyndaǵy senimdi áriptestikti jalǵastyratyn jáne kóptaraýly qazaqstandyq-lıtvalyq yntymaqtastyqty odan ári damytatyn Astananyń aınymas baǵytyn atap ótti.
Lıtva Prezıdenti óz kezeginde, 2011 j. Qazaqstanǵa jasaǵan saparyn jyly lebizben eske túsirip, lıtvalyq jastardy 2018 j. jazda Qaraǵandy oblysyna ekspedısııasyn ótkizýine oraı qazaqstandyqtarǵa alǵysyn bildirdi.
Kezdesý barysynda taraptar, ekijaqty qatynastar men halyqaralyq problematıkanyń ózekti máselelerin talqyǵa salyp, tranzıttik-kóliktik áleýetti odan ári damytý, «jańa ekonomıka», aýyl sharýashylyǵy, bilim berý men medısına salalaryndaǵy keń aýqymdy perspektıvalarǵa jiti kóńil bóldi.
Lıtva basshysy D. Grıbaýskaıte Prezıdent N. Nazarbaevtyń Qazaqstannyń serpindi áleýmettik-ekonomıkalyq túrlenýindegi jáne jahandyq qaýipsizdik qurylymyn nyǵaıtýdaǵy rólin joǵary baǵalady.
D. Grıbaýskaıte lıtva tarapynyń eki memleket úshin basym salalarda Qazaqstanmen yntymaqtastyqty odan ári arttyra túsýge daıyn ekenin quptap ótti.
