– Bıyl jalpy egis alqaby 4,2 mıllıon gektardy qurasa, onyń 2,8 mıllıon gektaryna dándi jáne dándiburshaq, 1 mıllıon gektarǵa maıly, 414 myń gektarǵa jemazyq daqyldary sebilgen bolatyn. Aýa raıynyń qolaısyzdyǵyna baılanysty jıyn-terinniń kesh bastalǵanyna qaramastan uıymshyldyqpen atqaryldy. Arzandatylǵan janar-jaǵarmaı, tehnıka, adam kúshi jetkilikti boldy. «QazAgroQarjy» AQ-y arqyly lızıngpen júzdegen qýatty tehnıkalar alyndy», deıdi basqarma basshysynyń orynbasary Qýandyq Shaqubaev.
Byltyrǵy jylǵa qaraǵanda maıly daqyldardyń kólemi birjarym ese kóbeıtilip, 707 myń tonna dán qambaǵa quıyldy. Ortasha ónim 8,9 tonna boldy.
Qazir syıymdylyǵy 6,6 mıllıon tonnany qamtıtyn elevatorlar astyq tazalaýmen aınalysýda.
«Zenchenko jáne K», «Mámbetov jáne K» komandıttik seriktestikteri, «Babyq-Burlyq, «Daıyndyq» sharýa qojalyqtary gektar ónimdiligin 20-30 sentnerden aınaldyrdy.
О́mir ESQALI,
«Egemen Qazaqstan»
Soltústik Qazaqstan oblysy
