Jobaǵa, sondaı-aq, KTB jáne qysqa merzimdi qaıta daıarlaý kýrsynan ótken buryn memleketten qarjylyq qoldaý sharalary arqyly jeńildetilgen nesıe almaǵan jumyssyzdar men ózge elden kóship kelgen oralman otandastarymyz qatysa alady. Grant jańa ıdeıalardy júzege asyrýmen qatar buryn júrgizilip otyrǵan kásip túrin qaıta jandandyrý men jetildirýge qajetti qural-saımandar alý úshin beriledi. Tólem bıýdjettik qarajat esebinen bólinedi jáne onyń kólemi 100 AEK quraıdy.
Jańa bıznes-ıdeıalardy júzege asyrýǵa arnalǵan memlekettik granttar aımaqtyq ótinishterdi qaraý týraly komıssııanyń sheshimine saı belgilenedi. Komıssııa quramyn ár oblystaǵy О́ńirlik kásipkerler palatasy jasaqtaıdy. Oǵan Kásipkerler palatasynń sarapshylary, memlekettik organdar, jergilikti eńbek ınspeksııasynyń mamandary, ártúrli bıznes qaýymdastyqtar men qoǵamdyq birlestikterdiń ókilderi engen.
– Erejelerge saı bir rettik materıaldyq kómek «Bastaý» jobasy boıynsha sertıfıkat alǵan nemese qysqa merzimdi kýrstardan ótken, jumyssyz júrgen jáne kásipkerlik bastamalary bar adamdarǵa taǵaıyndalady. Sondaı-aq, mundaı tólem qandaı da bir memlekettik qarjylandyrý arqyly kómek almaǵan jumyssyz jandarǵa da beriledi. Komıssııa jobalardyń tıimdiligine, kúndelikti ómirde qoldanys tabýyna basa nazar aýdarady jáne olardyń júzege asyrylýyn baqylaýda ustaıtyn bolady - dep naqtylady Aqtóbe oblysy Kásipkerler palatasy dırektorynyń orynbasary Janaıym Kelbatyrova.
Búgingi kúni komıssııaǵa óz jobalaryn Aqtóbe qalasy men Áıteke bı, Alǵa, Baıǵanın, Muǵaljar, Mártók, Qarǵaly aýdandarynan 57 adam usynyp, onyń 39-y óń baǵa alyp úlgerdi. Komıssııa olardyń jobalaryn ómirsheńdigi, tıimdiligi jáne jyldam júzege asyrylýy turǵysynan baǵa berdi. Joba «Nátıjeli jumyspen qamtý jáne jappaı kásipkerlikti damytýdyń 2017 – 2021 jyldarǵa arnalǵan «Eńbek» baǵdarlamasynyń» birinshi jáne ekinshi baǵyttary boıynsha «Atameken» Ulttyq kásipkerler palatasynyń qoldaýymen júzege asyrylýda.
Bir rettik grant alýǵa qatysý úshin úshin jergilikti jerlerdegi aýdandyq, qalalyq jumyspen qamtý jáne áleýmettik baǵdarlamalardy úılestirý bólimderine baryp, tirkelý kerek. Grant alýǵa kelesi ótinishterdi qorǵaý qarasha aıynyń basynda ótedi.
Temir QUSAIYN,
«Egemen Qazaqstan»
