NAMYSTY QAMShYLAITYN KEZ KELDI

Olımpıadanyń 12-shi kúni bes júldeler jıyntyǵy sarap­qa salyndy. Bıatlonnan qyz­dar 4 h 6 estafetalyq saıysta sheber­lik baıqasty. Qazaq eli namysyn Elena Hrýstaleva, Lıýbov Fılı­monova, Marına men Anna Lebedeva qorǵady. Kil myqtylarmen úzeńgi qaǵystyrý bizge ońaı bolmady. Jerlesterimiz 14-shi oryndy qanaǵat tutty. Tartysty aıqas barysynda Reseıdiń mereıi ústem boldy. Qura­mynda Svetlana Slepsova, Anna Bogalıı-Tıto­ves, Olga Medvedseva jáne Olga Zaıseva syndy sheberleri bar komanda bas júldeni oljalady. Osylaısha, orystar osydan tórt jyl burynǵy Týrın Olımpıadasyndaǵy tabysyn qaıtalady. Fransııa men Germanııa quramalary kúmis pen qolaǵa qol jetkizdi.. 10 000 metrge jarysqan konkıshiler saıysynda koreıalyq Lı Seýn Hýn negizgi qarsylastary reseılik Ivan Skobrev pen gollandııalyq Bob de Iogty qapyda qaldyryp, altynnan alqa taǵyndy. Al sońǵy ekeýine kúmis pen qola buıyrdy. Negizinde bul básekede gollandııalyq Sven Kramer eń úzdik ýaqyt kórsetken bolatyn. Alaıda tóreshiler Olımpıada chempıonyna “ereje buzdyń” degen aıyp taǵyp, onyń kórsetkishin esepke almady. Taý shańǵysynan alyp slalomda otandasy­myz Ivan Zakýrdaev sheberlik baıqasyp, 51-orynda qalyp qoıdy. Bul rette shveısarııalyq Karlo Iаnko teńdessiz dep tanyldy. Kúmis pen qolany Norvegııanyń qos sańlaǵy Hetıl Iаnsrýd pen Aksel Lýnd Svındal enshiledi. Shańǵy qossaıysynda komandalyq jarys ótti. Bernhard Grýber, Davıd Kraıner, Felıks Gottvald jáne Marıo Shteher sekildi serke­lerine senim artqan Avstrııa quramasy dara shyqty. Sheshýshi synda olar AQSh pen Ger­manııa komandalaryn artqa tastady. Frıstaıl­dyń skı-kross túri boıynsha áıelder arasyn­daǵy jarysta Olımpıada qojaıyny Eshlı Makaıvordyń mereıi ústem boldy. Kanada­lyqpen eń sońǵy sátke deıin úzeńgi qaǵys­tyrǵan norvegııalyq Hedda Berntsen men fransýz Moron Josran júldeger atandy. Sol kúni shaıbaly hokkeıden toptyq básekede baǵy janbaǵan segiz komanda shırek fınal joldamalaryn ózara sarapqa saldy. Bul kezdesýler mynadaı nátıjemen aıaqtaldy: Shveısarııa – Belarýs 3:2 (býllıt), Kanada – Germanııa 8:2, Chehııa – Latvııa 3:2 (overtaım), Slovakııa – Norvegııa 4:3. Keshe shańǵydan erler 4 h 10 estafetada jarys­ty. Bul joly negizgi básekelestik Skan­dınavııa túbeginiń ókilderi arasynda órbidi. Máre­ge Shvesııa quramasy birinshi jetse, Norvegııa ekinshi oryndy oljalady. Qola júldeni Chehııa sportshylary jeńip aldy. Nıkolaı Chebotko, Sergeı Cherepanov, Alekseı Poltora­nın jáne Evgenıı Velıchko syndy sheberlerge arqa súıegen otandastarymyz 11-orynǵa taban tiredi. Sondaı-aq, konkı, taý shańǵysy, bobsleı, short-trek jáne frıstaıl­dan básekeler ótti. Bul sport túr­leri boıynsha qazaqstandyqtar kúsh synasqan joq. Kópshilik kútken shaıbaly hokkeıden shırek fınaldyq básekeler óz máresine jetip, jartylaı fınalda kúsh synasatyn komandalar anyqtaldy. Bul kezdesýlerdiń nátıjeleri mynadaı: AQSh – Shveısarııa 2:0, Kanada – Reseı 7:3, Fınlıandııa – Chehııa 2:0, Shvesııa – Slovakııa 3:4. Búgin álemniń eń úzdik tórt ulttyq quramasy aqtyq aıqasqa shyǵý múmkindigine ıe bolý úshin muz aıdynyna shyǵady. Sondaı-aq, osy kúni Qazaqstan quramasy tek shańǵyshylardyń 4 h 10 estafetalyq saıysynda kúsh synasady. Osy oraıda biz jarys jolyna shyǵatyn jerlesterimiz Svetlana Malahova, Oksana Iаskaıa, Elena Kolomına jáne Elena Antonovaǵa sáttilik tilegimiz keledi. Ǵalym SÚLEIMEN, arnaıy “Egemen Qazaqstan” úshin – Vankýverden.