Kýkýshkın bolgarııalyq Grıgor Dımıtrovpen kezdesip, 2 saǵat 23 mınýtqa sozylǵan básekede otandasymyz 6:4, 4:6, 6:4 esebimen qarsylasynan basym tústi. Aıta keteıik, Dımıtrov búginde álemniń 10-raketkasy sanalady. Sondaı-aq ol Ýımbldon dodasy men Aýstralııanyń ashyq birinshiliginde jartylaı fınalǵa deıin jetip, ATR týrnırlerinde 8 márte top jarǵan. Kýkýshkın qazir álemdik reıtıngte 71 orynǵa jaıǵasqan. Bul jeńisinen keıin otandasymyzdyń reıtıngte joǵarylaıtyny anyq.
Endi Mıhaıl atalǵan týrnırdiń ekinshi aınalymynda reseılik Andreı Rýblevpen kúsh synasady. Bul juptyń jeńimpazy kelesi kezdesýin 26 jastaǵy majarstandyq tennısshi Marton Fýchovıchke qarsy ótkizedi. Týrnırdiń júlde qory 2 mıllıon 198 myń 250 eýrony quraıdy.
Daıyndaǵan Álı BITО́RE,
«Egemen Qazaqstan»
