Jıynǵa qatysqan sarapshylardyń aıtýlaryna qaraǵanda, Koreı túbegindegi oń ózgerister ıadrolyq qarýdy taratpaýdy nyǵaıtý sheńberindegi strategııalyq suhbattar úshin jańa serpilis beredi. Qazaqstan ıadrolyq qarýsyzdaný úshin jahandyq qozǵalysynyń belsendi múshesi retinde taraptardyń ustanymdaryn jaqyndastyrýǵa baǵyttalǵan umtylystaryn qoldaıdy jáne osy úderiste jan-jaqty kómek kórsetýge árdaıym daıyn.
Eki Koreı memleketiniń arasyndaǵy qarym-qatynastardyń damýynyń ári qaraıǵy traektorııasyn talqylaý men sarapshylar suhbaty – beıbit úderistiń ajyramas quramdas bóligi jáne beıbit qurylysqa qosqan zor úlesi.
Halyqaralyq dóńgelek ústeldiń jumysy «Koreı túbegindegi qazirgi ahýal jáne Koreı Respýblıkasynyń beıbitshilikti qamtamasyz etý boıynsha saıasaty» jáne «Qazaqstannyń ıadrolyq qarýdy taratpaýdaǵy róli jáne Koreı túbegindegi ahýaldy retteýge járdemdesýi» seksııalary boıynsha órbidi.
Dóńgelek ústel jumysyna halyqaralyq jáne ıadrolyq qaýipsizdik salasynyń jetekshi sarapshylary, Qazaqstan Respýblıkasy Syrtqy ister mınıstrliginiń jaýapty qyzmetkerleri, sonymen qatar Qazaqstanda akkredıtasııadan ótken dıplomatııalyq mıssııalar men halyqaralyq uıymdardyń basshylary qatysty.
Serik ÁBDIBEK,
«Egemen Qazaqstan»
