Munyń ózi, ásirese zeınetkerlerge qıynǵa soǵýda. Máselen, biz bıyl bolǵan Aqmola oblysynyń Zerendi aýdanynda osyndaı naýqastar sany 800-ge jetkenin bildik. Olardyń basym kópshiligi zeınetkerler eken.
Glaýkoma Qazaqstan Respýblıkasyndaǵy áleýmettik máni bar patalogııalar tizbesine engizilgen. Kóz aýrýlary ǵylymı-zertteý ınstıtýtynyń derekterine qaraǵanda, 2011 jyldan bastap 2017 jylǵa deıin densaýlyq saqtaýdy damytýǵa arnalǵan «Salamatty Qazaqstan» jáne «Densaýlyq» memlekettik baǵdarlamalary boıynsha 40 jáne 70 jas aralyǵyndaǵy azamattar arasynda arnaıy skrınıng júrgizilip kelgen. Sonyń nátıjesinde 7 jyl ishinde 12,5 mıllıonǵa jýyq adam qaralyp, glaýkomaǵa jańadan shaldyqqan 33 364 adam anyqtalǵan.
Skrınıng ótkizýdiń arqasynda jańadan anyqtalǵan naýqastar sany 49 paıyzǵa artyp, olardyń qatary jyl saıyn orta eseppen 4 myń adamǵa kóbeıip barady. 2017 jyldyń sońynda elimiz boıynsha glaýkomamen syrqattanýshylar sany 68195 adamǵa jetken.
Elimizde glaýkomaǵa shaldyǵýshylyq kóbeıip bara jatqandyǵyn jáne osy dertke ushyraǵandardyń arasynda jasy ulǵaıǵan adamdar kóp ekendigin eskere otyryp, biz Premer-Mınıstrdiń orynbasary Erbolat Dosaevtyń atyna mynadaı usynystardy engizdik:
1. Glaýkomany emdeýge qajetti preparattardy azamattar tegin medısınalyq kómektiń kepildik berilgen kólemi sheńberinde qamtamasyz etiletin dárilik zattar tizbesine engizý máselesin qarastyrý kerek. О́ıtkeni mundaı preparattardy ómir boıy qoldaný qajet bolǵandyqtan, pasıentterge eleýli mólsherde qarjy shyǵyndaýǵa týra kelýde. Al qarajat jetispeýshiligine baılanysty glaýkomadan turaqty emdelýden bas tartý adamdardy soqyrlyqqa dýshar etetindigin eskerý qajet;
2. Elimizdiń turǵyndary arasynda glaýkomany anyqtaýǵa arnalǵan skrınıngtik zertteýlerdi odan ári jalǵastyrǵan jón;
3. Glaýkomanyń jáne basqa oftalmologııalyq patologııalardyń regıstrin jasaýǵa jáne engizýge qarjy bólý kerek. Osy jóninde Almaty qalasynda qolǵa alynǵan qanatqaqty jobany barlyq óńirlerde engizgen durys.
Káribaı MUSYRMAN,
Májilis depýtaty
