«Qýanysh» ansambli «Halyq bıi» atalymynda (7-10 jas aralyǵy) «Qaratorǵaı» halyq bıin oryndap, 1-orynǵa ıe bolsa, dál osy atalymda (11-13 jas sanaty boıynsha) Nıka Krıvenko «Soıombo» bıi úshin Gran prı júldesin jeńip aldy.
«Estradalyq bı» atalymynda (7-10 jas) ansambl músheleri «Biz bolashaqtanbyz» atty horeografııalyq qoıylymmen sahnaǵa shyqty. Qazylar alqasy bul bıdi de úzdik dep tanyp, Gran prı júldesimen marapattady.
«Qýanysh» úlgili horeografııalyq ansambliniń negizin 1994 jyly Qorlan Muqatova qalaǵan. Qazirgi tańda ujymǵa Aıman Toıboldına jetekshilik etedi. Ansambldiń repertýarynda 60-tan astam horeografııalyq qoıylym bar.
Qaırat ÁBILDA,
«Egemen Qazaqstan»
Qaraǵandy
