Berilgen málimetterge sáıkes, ónimdi jumyspen qamtý jáne jappaı kásipkerlikti damytý baǵdarlamasynyń josparly kórsetkishteri oryndalǵany atalyp ótti. Sonymen qatar, Premer-Mınıstr barlyq óńirlerge Baǵdarlamany iske asyrý jumystaryn jandandyrýdy tapsyrdy.
Eńbek jáne halyqty áleýmettik qorǵaý mınıstrligi Ulttyq ekonomıka, Aýyl sharýashylyǵy mınıstrlikterimen birlesip, nysanaly toptardy, atap aıtqanda jumyssyzdar men ózin-ózi jumyspen qamtyǵan adamdardyń tabysyn arttyrý úshin azamattardy ónimdi jumyspen qamtýǵa tartý boıynsha qabyldanyp jatqan sharalardyń áserine monıtorıng júrgizý júıesin jolǵa qoıýy kerektigi tapsyryldy.
Eńbek jáne halyqty áleýmettik qorǵaý mınıstrligi «Atameken» UKP jáne óńirlermen birigip «Bıznes-Bastaý» jobasymen bilimin jetildirgenderdi shaǵyn nesıemen qamtý máselesine erekshe nazar aýdarýy kerek.
Budan bólek, baǵdarlamanyń oryndalýyn jeke óńirlik jumyspen qamtý baǵdarlamalary, onyń ishinde bıýdjettik qarajattyń tıimdiligi turǵysynda iske asyrylýyn eskere otyryp taldaý jasaý tapsyryldy.
B. Saǵyntaev Úkimet múshelerine ózektendirilgen baǵdarlamanyń tıimdiligi turǵyndardyń tabysynyń ósiminen de baǵalanýy tıis ekendin eske saldy.
