Dopıng daýyna baılanysty Qazaqstan quramasy byltyr AQSh-tyń Anahaım qalasynda uıymdastyrylǵan dúnıejúzilik dodadan shet qalǵany belgili. Al onyń aldyndaǵy jarystarda jerlesterimiz óreli ónerimen tórtkúl dúnıe jankúıerlerin súısindirip, keremet nátıjege qol jetkizip júrdi. Alysqa barmaı-aq, ózimiz qatysqan sońǵy eki álem chempıonatynyń nátıjeleri jaıynda baıandasaq ta, kóp jaıtqa qanyq bolamyz. Máselen, 2014 jyly Almatyda jalaýy jelbiregen jarysta 3 altyn, 2 kúmis jáne 1 qolany ıelenip, komandalyq saıysta ekinshi orynǵa turaqtadyq. 2015 jyly Hıýstondaǵy dodada 2 altyn, 1 kúmis jáne 1 qola júldeni qorjynǵa salyp, jalpy esepte úshinshi orynǵa taban tiredik.
Ashhabadta ótetin básekede Qazaqstannyń namysyn myna sportshylar qorǵaıdy:
Erler – Arlı Chonteı (55 kılo), Farhad Harkı (67 kılo), Nıjat Rahımov (73 kılo), Aıdar Qazov (81 kılo), Denıs Ýlanov (89 kılo), Rústem Sybaı (96 kılo), Aleksandr Zaıchıkov pen Ibragım Bersanov (109 kılo) jáne Eldos Saılaý (+109 kılo).
Áıelder – Zúlfııa Chınshanlo (55 kılo), Sáýle Sádýaqasova (59 kılo), Ásem Sadyqova men Karına Gorıcheva (64 kılo), Nadejda Lıhacheva men Ekaterına Stolıarenko (71 kılo), Ekaterına Bykova (76 kılo), Raýshan Meshithanova (87 kılo) jáne Aızada Mýptılda men Aleksandra Aborneva (+87 kılo).
Ǵalym SÚLEIMEN,
«Egemen Qazaqstan»
