Qazaqstan men Fransııa 26 jyl ishinde dıplomatııalyq qarym-qatynasty damytyp, yntymaqtastyqtyń berik arhıtektýrasyn qalyptastyrdy. Bıyl elderimiz arasyndaǵy strategııalyq seriktestikke 10 jyl toldy.
G.Ábdiqalyqova bilim salasynda memleketterimizdiń ózara yqpaldastyǵy keńeıip kele jatqanyna toqtalyp, Memleket basshysynyń bastamasymen
2014 jyly Abaı atyndaǵy Qazaq ulttyq pedagogıkalyq ýnıversıteti janynan «Sorbonna-Qazaqstan» ınstıtýty ashylǵanyn atap ótti. Bıylǵy oqý jylynda Fransııanyń Qazaqstandaǵy elshiligi Qazaqstannyń Bilim jáne ǵylym mınıstrligi men Fransııanyń Eýropa jáne syrtqy ister mınıstrligi arasyndaǵy kelisim aıasynda Fransııanyń joǵary oqý oryndarynda bilim alýǵa úmitkerlerdi irikteý boıynsha jumys júrgizdi. Qazirgi ýaqytta «Abaı-Vern» baǵdarlamasy boıynsha bilim alyp jatqan 66 azamatymyzǵa (57 magıstrant jáne 9 doktorant) Qazaqstan tarapynan stıpendııa bólý qarastyrylǵan.
Áńgimelesý barysynda bilim berý salasynda bastalǵan bastamalardy jalǵastyrý týraly ýaǵdalastyqqa qol jetkizildi.
Kezdesý sońynda Memlekettik hatshy G.Ábdiqalyqova Qazaqstan-Fransııa yntymaqtastyǵyn odan ári nyǵaıtý isinde Fransııanyń Qazaqstandaǵy Tótenshe jáne ókiletti elshisi F.Martınege mol tabys tiledi.
Serik ÁBDIBEK,
«Egemen Qazaqstan»
