Meniń pikirimshe, árbir azamattyń kóńil kúıine óz memleketiniń jetistigi oń áserin tıgizedi. Sondyqtan Prezıdent Nursultan Nazarbaevtyń bıylǵy 5 qazandaǵy Joldaýynda kóterilgen máselelerdi qazaqstandyqtar psıhologııalyq turǵyda jyly qabyldady dep oılaımyn.
Jalpy, memlekettiń qoldaýyn jaqsy sezine bilgen adam soǵan laıyqty jaýap berýge tyrysady. Bul bılik pen halyqtyń arasyndaǵy jaqsy úılesimdilikti týyndatady. Osy oraıda Qazaqstan Prezıdentiniń júıeli josparlanǵan, tyńǵylyqty zerdelengen bastamalary, ońtaıly qabyldaǵan sheshimderi barsha qazaqstandyqtardy búgingi ózgermeli álemde qaýipsiz, jaıly sezinýin qamtamasyz etip otyr.
Men qoǵamdyq sanany modernızasııalaý úderisiniń bóligi retinde, eń mańyzdy bolyp sanalatyn birneshe tarmaqty atap ótkim keledi: mektepke deıingi bilim berý sapasyn arttyrý, muǵalimderdiń eńbek qatynastary men jaǵdaılaryn jaqsartý, joǵary bilim berý sapasyn baqylaý.
Taǵy bir aıta keter jaıt, el bolashaǵy – jastar. Sondyqtan tabysty, nátıjeli jumys isteýleri úshin olarǵa barynsha jaqsy jaǵdaı jasalýy tıis. Bul máselege de Joldaýda basymdyq berilgen. Memleket basshysynyń 2019 jyldy «Jastar» jyly dep jarııalaýy kóńilge jylylyq uıalatpaı qoımaıdy.
Irına VAGNER,
Rosarıo qalasyndaǵy (Argentına) Qazaqstan Mádenıet ortalyǵynyń dırektory, Qazaqstan halqy Assambleıasynyń elshisi
