Ámire Qashaýbaevtyń dúnıege kelgenine 130 jyl

Mádenıet jáne sport mı­nıs­trligi men oblys ákim­digi­niń birlesýimen Astana qa­la­synyń 20 jyldyǵy aıasynda uıymdastyrylǵan Ámire Qashaýbaev atyndaǵy respýblıkalyq festıvalǵa 34 jas dástúrli ánshi qatys­ty. 

Qazylar alqasy baıqaýǵa kelgen qatysýshylardyń óne­rin úsh kezeń boıynsha sa­rapqa saldy. «Festıvalǵa kelgen jastar shama-shar­qy­nsha ónerlerin kór­setti. О́nerpazdardyń oryn­daý­shylyq deńgeıi jaqsy, ba­sym kópshiligi ánshilik apparatty meńgerýge jumys jasaǵany baıqalyp tur. Átteń-aıy, án­niń mazmunyna kóńil bólý qalys qalyp jatyr. Árı­ne buny jas ánshiler bola­shaqta eskeredi dep oılaımyn. Jalpy, baıqaý óte joǵary, kásibı deńgeıde uıym­das­ty­ryldy», deıdi Alma­ty­daǵy Qurmanǵazy atyndaǵy Qazaq ulttyq konser­vatorııasynyń «Halyq áni» kafedrasynyń meńgerýshisi, PHD doktory Amangeldi Kúzeýbaı.

Bir aptaǵa jýyq О́skemen aspanynda dástúrli ánderdi qalyqtatqan Ámire Qashaýbaev atyndaǵy respýblıkalyq fes­tıval oblystyq drama teatrda Gala-konsertpen qorytyndylandy. Gala-kon­sertte festıval júlde­gerlerimen qatar As­tanadan qur­metti qonaq retinde shaqy­rylǵan dás­túrli ánshiler Med­ǵat Manapov, Perızat Tu­ra­rova, Aıtbek Nyǵyzbaev pen Erlan Rysqalı áýelete án shyrqady. Marapattaý rásiminde sóz alǵan qazylar alqasynyń tóraǵasy, Qazaq­stannyń Halyq ártisi Qa­jybek Bekbosynov: «Erek­she aıtqym keletini, baıqaýǵa qatysýshylar buryn 9-10 adamnan aspaıtyn edi. Osy joly festıvalge 34 jas ánshi qatysty. Úsh kún boıy sabylyp baıqaý ótkizdik. О́nerpazdar birinen biri ótedi. Olardyń dástúrli ánge kóńil bólgenderi, sony us­tap júrgenderi qýantty», deı kele festıvaldy uıym­dastyrýshylarǵa alǵy­syn jetkizdi. 

Sonymen, festıval qo­rytyndysynda eki úshin­shi oryndy Almatydaǵy T.Júr­genov atyndaǵy Qazaq ult­tyq óner akademııasy men Qurmanǵazy atyndaǵy Qazaq ulttyq konservatorııasynyń stýdentteri Dıas Murathan men Birjan Aıtahmetov ıelense, ekinshi oryn Batys Qazaqstan oblysy Ǵ.Qur­man­ǵalıev atyndaǵy ob­lys­tyq fılarmonııasynyń ánshisi Ernar О́mirálige bu­ıyrdy. Júldeli 1-oryndy Astanadaǵy Qazaq ulttyq óner ýnıversıtetiniń stý­denti Baýyrjan Nur­muhanov qan­jyǵalasa, bas júlde – Gran-prıge (1 mıllıon teńge) Al­ma­tydaǵy «Qazaqkonsert» memlekettik konserttik uıy­mynyń ánshisi Asqar Muqııat laıyq dep tabyldy.

Azamat QASYM,

«Egemen Qazaqstan»

О́skemen