Eýropa ekologııa agenttigi aýanyń lastanýy saldarynan jyl saıyn Eýropada 500 000-ǵa tarta adam qaıtys bolatynyn aıtyp dabyl qaǵyp otyr. Munyń aldyn alý maqsatynda atqarylǵan sharalar jemisti bolǵanyna qaramastan, nátıje Eýropalyq jáne Dúnıejúzilik densaýlyq saqtaý uıymynyń standartynan áldeqaıda tómen. Eýropadaǵy 41 memlekette kóp adam osy sebepten kóz jumǵan eken.
«Lastanǵan aýa kózge kórinbeıtin qylmysker syndy. Bizge mindetti túrde bunyń aldyn alatyn sharalardy júzege asyrý kerek», dedi Eýropa ekologııa agenttiginiń basshysy Hans Brıýınks.
Eýropalyq Odaqtyń sarapshysy 28 memleket aýanyń sapasyna qatysty nátıjege qol jetkize almaǵanyn aıtady. Osyǵan baılanysty otyrys birneshe aptadan soń ótedi dep josparlanǵan. Ol sondaı-aq Shyǵys Eýropa memleketterinde densaýlyǵy syr bergen adamdar sany Qytaı men Úndistandaǵy kórsetkishten asyp túskendigin atap ótti.
Aýaǵa taralǵan bólshekter qolǵa ilinbeıtin usaqtyǵyna qaramastan, júrek aýrýlarynyń, demikpe, ókpeniń qaterli isigi syndy aýrýlardyń qozdyrady. Aýa sapasyna qatysty júrgizilgen zertteý nátıjesinde kólikterden jáne qazandyqtardan bólinetin ýytty azot dıoksıdi 79 000 adamnyń kóz jumýynyń negizgi sebebi dep tanyldy.
Eýropalyqtardyń aýa sapasyna qatysty júrgizgen saıasaty kólik jasaýda, óndiris oryndaryn qalyptastyrýda ekologııalyq taza ónimder tutynýǵa alyp keldi.
Alaıda, Bolgarııa, Polsha men Slovakııa syndy Shyǵys Eýropa memleketterinde aýa sapasyn jaqsartý jumysy aıtarlyqtaı nátıje bergen joq. Horvatııa, Serbııa, Albanııa men Bosnııa elderi bul máseleni sheshýde kózdegen maqsatqa jetken.
Eýropanyń ońtústiginde ornalasqan Makedonııada atalǵan memlekettermen salystyrǵanda aýanyń lastaný kórsetkishi 3 ese joǵary.
Saltanat ShYNÁDIL,
EUÝ stýdenti,
«Egemen akademııasy»
