Buǵan deıin sharýalar asyl tuqymdy maldy baǵasy ózge jerlerden arzanyraq ári klımattyq jaǵynan qolaıly Reseı Federasııasynyń Aqtóbe oblysyna jaqyn oblystarynan satyp alyp kelgen. Osy «Sybaǵa»baǵdarlamasy boıynsha bıyl «Aýyl sharýashylyǵyn qarjylaı qoldaý qory» AQ-nyń Aqtóbe fılıalyna jalpy somasy 1,279,6 mln teńge turatyn 2421 iri qara mal satyp alýǵa 50 sharýa qojalyǵynan ótinish túsken. Búgingi tańda 44 qojalyqtyń ótinimi maquldandy jáne 41-ne 1828 bas ımporttalǵan iri qara mal satyp alýǵa nesıe berildi (898,3 mln teńge).
Alaıda nesıeni bekitilgen merzim ishinde ıgerý búgingi tańda múmkin bolmaı otyr. О́ıtkeni bıylǵy shilde aıynan bastap, Qazaqstan Respýblıkasy Aýyl sharýashylyǵy mınıstrliginiń Veterınarııalyq baqylaý jáne qadaǵalaý komıteti Reseı Federasııasynyń birqatar oblystarynan (Orynbor, Saratov, Samara, Qorǵan, Chelıabi qalalarynan) ákelinetin iri qara jáne basqa janýarlardy nodýlıarly dermatıt jáne aýsyl aýrýlaryna beıimdigi baıqalǵandyqtan ýaqytsha shekteýler engizgen bolatyn (Reseı Federasııasynyń karantınge jabylǵan oblystar tizimi ulǵaıýda). Birqatar fermalar qazirdiń ózinde Reseı Federasııasynyń mal sharýashylyqtarymen aldyn-ala kelisim jasasqan, alaıda shekteýlerge baılanysty olar maldaryn áli de ákele almaı otyr. Sonymen birge, Qor nesıeler boıynsha syıaqylar bólip úlgergen jáne berilgen qaryz qarajatynyń ýaqytynda ıgerilýi qadaǵalanady. Osyǵan oraı kásipkerler nesıe qarajatyn ıgerý merzimin uzartýdy nemese RF karantınge jabylǵan aýdandardan bólek jerlerinen mal ákelýge ruqsat berilýin suraıdy. Bul másele Aqtóbe oblysy Kásipkerler palatasy Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi Keńesiniń kezekti otyrysynda talqylandy.
Kelesi qaralǵan másele kásipker K.A.Altaıakovanyń saýda povılondaryn ornalastyrý úshin qala ákimdiginen jalǵa alǵan jerine qatysty boldy. Ábilqaıyr han dańǵyly boıynda ornalasqan saýda núktesine arnalǵan orynǵa ýaqytsha menshik etý týraly ótinishin alǵashynda qanaǵattandyrǵan «Jer qatynastary» bóliminiń mamandary keıin odan ártúrli sebeptermen bas tartady. Aıtýlarynsha oǵan sol jerge balalarǵa oıyn alańyn salý týraly kondomınımýmnan ótinish túsken eken. Kásipker óz qarajatyna atalǵan jerge oıyn alańyn salýǵa ázir. Keńes músheleri bul jerde kásipkerdiń quqyna nuqsan keltiretin derekterdiń baıqalatynyn aıtyp, atalǵan orynǵa jeke baryp, tekseretindikterin málimdedi.
Kásipkerler palatasy Kásipkerlerdiń quqyqtaryn qorǵaý jáne sybaılas jemqorlyqqa qarsy is-qımyl jónindegi Keńesiniń sheshimimen kórsetilgen máseleler boıynsha Qazaqstan Respýblıkasynyń jáne RF Aýyl sharýashylyǵy mınıstrlikterimen tıisti kelissózderge qol jetkizý maqsatynda «Atameken» ulttyq kásipkerler palatasyna ótinish jiberiledi, sondaı-aq, K.A.Altaıakovaǵa "Aqtóbe oblysynyń jer qatynastary bólimi» MM atalǵan qaýlysynyń kúshin joıý boıynsha quqyqtyq kómek kórsetilmek.
Temir QUSAIYN,
«Egemen Qazaqstan»
