Ol osy esepti jyldarda partııa «Balalar úshin tegin IT - klastary», «IT-mamandardy daıarlaý», «Geoaqparattyq onlaın qyzmet», « English for jastar» t.b jobalardyń tabysty júzege asqanyn aıtty.
«Bizdiń aldymyzda endi osy qarqyndy tómendetpeı, taǵy da osyndaı klastar ashýdy jalǵastyrý maqsaty tur. Oblys ákimi eki jyl ishinde 50 IT- klastar ashý mindetin qoıdy», dedi Jańabaı Bısımbaev.
Oblystaǵy oqý oryndarynda mobıldik qosymshalar, aqparattyq qaýipsizdik úshin 3-6 aılyq qysqa merzimdi oqýlar baǵdarlamalary júzege asady. Partııalyqtar oblysta bolashaqtyń mamandaryn daıyndaýdy durys dep biledi. Sıfrlandyrý baǵdarlamasy boıynsha da kóptegen jumystar júrgizildi.
Konferensııada «Nur Otan» partııasy janyndaǵy «Jas Otan» jastar qanaty oblystyq fılıalynyń tóraǵasy Á.Muhamedjanov qostanaılyq jas nurotanshylar atqarǵan jumystarǵa sholý jasady. «Partııa belsendileri aýyl balalarynyń aǵylshyn tilin úırenýine kóńil bóldi. Bul ýaqyt talap etip otyrǵan másede.
«English for jastar» baǵdarlamasy boıynsha oblystyń 7 aımaǵyna qazaqstandyq stýdentter men sheteldik eriktilerdi tarttyq. Kitaphanalardy zamanaýı bilim ortalyktaryna aınaldyrdyq», dedi Álibek О́mirbekuly.
Konferensııa sońynda partııa fılıalynyń tóraǵasy A.Muhambetov esepti kezeńdi qorytyp, júrgizilgen jumystarǵa baǵa berdi, aldaǵy maqsat - mindetter týraly aıtty. Partııa belsendileri partııanyń «Alǵys hatymen» marapattaldy.
