Kýveıt quramasy jaıynda biz beker áńgimelep otyrǵan joqpyz. Qazirgi kezde osy komandanyń tizginin ustaǵan brazılııalyq maman kezinde jerlesterimizdi de jattyqtyrdy. 2013-2018 jyldar aralyǵynda Kakaýdyń jetekshiligimen Almatynyń «Qaıraty» ÝEFA kýbogyn eki márte oljalap, basqa da halyqaralyq týrnırlerde talaı márte top jardy. Qazaqstannyń ulttyq quramasy Eýropa birinshiliginde qola medaldi oljalap, álemdik dop dodasynda óner kórsetti.
Horvatııadaǵy týrnırde Kýveıttiń fýtzalshylary Slovenııa men Grekııany utty. Eki kezdesýde de 5:1 esebi tirkeldi. Odan keıin Bosnııa men Gersegovına quramasymen teń tústi – 3:3. Tek sońǵy oıynda ǵana olar Vengrııaǵa ese jiberdi – 1:2.
Ǵalym SÚLEIMEN,
«Egemen Qazaqstan»
