«Kelesi jyldan bastap taýarlar men kórsetiletin qyzmet sapasyn jáne qaýipsizdigin baqylaý komıteti jumysyn bastaıtyn bolady. Búginde halyq tutynyp otyrǵan zatynyń sapasyna asa mán bermeıdi. Tutynatyn zattyń sapasyn kóterý arqyly adamdaryń ómir súrý sapasyn jaqsartýǵa bolady. Meniń oıymsha, halyqtyń ál-aýqaty eki nársege mán bergen jaǵdaıda áldeqaıda jaqsarǵan bolar edi. О́zimizden shyǵyp jatqan ónimderdi sapaly óndirip, sol ónimderdi qaıtadan ózimiz durys paıdalana bilýdi úırengen jaǵdaıda jáne ónimderdi, taýarlardy, qyzmet túrlerin paıdalanýda tutynýshylardyń quqyqtaryn qorǵaýdy jolǵa qoıǵanda jaqsy bolady. Ár adam Elbasynyń Joldaýyn oqyp, ózine qajetti tustaryn «Men ne isteı alamyn?», «Otbasymnyń, kórshi-kólemniń, jalpy halyqtyń ómir súrý jaqsartýǵa qalaı úles qosamyn?» - degen suraqtarǵa jaýap izdeı otyryp, alǵan bilimin ómirlik tájirıbede iske asyra bilýi kerek dep oılaımyn», - dedi Nursáýle Musaeva.
Baspasóz konferensııasyna «100 jańa esim» jobasynyń jeńimpazy Symbat Ábdirahmanova jáne Qorqyt ata atyndaǵy QMÝ oqytýshysy, dintaný magıstri Álibek Jappasbaev qatysyp, Elbasy Joldaýyna baılanysty óz oılaryn ortaǵa saldy.
Baqtııar TAIJAN,
«Egemen Qazaqstan»
QYZYLORDA OBLYSY
