Mır kóshesinde ornalasqan № 110-shy kópqabatty úıdiń dálizderi qyryq jylǵajýyq jóndeý kórmepti. Qazir plastıkalyq terezeler, jylý batareıalary, energııa únemdegish shamdar ornatyldy. Poshta jáshikterine tapsyrys berilipti.
«Buǵan deıin dálizder syz, las bolatyn. Bizdiń kooperatıv baıqaý jeńimpazy atanǵanyn estigende qatty qýandyq. Qabyrǵalar ásem túske boıalyp, adam tanymastaı keıipke endi», deıdi turǵyndardyń biri Olga Rabınovıch.
«Mır-2» PIK tóraıymy Rashıda Morozovaqyrkúıek aıynda Astanada ótken PIK jetekshileriniń biliktiligin arttyrý kýrsyna qatysý kezinde BUU tarapynan uıymdastyrylǵan baıqaý jaıly bilip, yntaly top qurady. Júzdegen úmitkerderdiń arasynanbulardyń jobasy joǵary baǵalanady. 4 mıllıon teńge granttyń eki mıllıony qolǵa tıisimen dereý úılerdi qalpyna keltirý sharalaryna kirisken. Endi qalǵan qarjyny tosyp otyr.
О́ńirlik páter ıeleri qaýymdastyǵynyń tóraǵasy Sergeı Hýdıakovtyń aıtýynsha, R. Morozova jetekshilik etetin PIK baspanalardy jóndeýge únemi belsene aralasady. Problemalaryn birge talqylap, olqyqtardy joıý joldaryn árkez aqyldasyp otyrady. Olardyń qyzmetine ashyqtyq, móldirdik tán. Jeńimpaz atanǵan baspana turǵyndary jóndeýge qajetti qarajattyń tek 10 prosentin ótedi. Qalǵanyn uıymdastyrýshylar syıǵa tartty.
PIK-ter arasyndaǵy baıqaý Investısııalar jáne damý mınıstrliginiń muryndyq bolýymen BUU damytý baǵdarlamasy aıasynda ótkizilip keledi. Oǵan 3 petropavldyq kopperatıv qatysyp, ekeýi jeńimpaz atandy. Olardyń biri–«Sever» tutynýshylar kooperatıvi.
О́mir ESQALI,
«Egemen Qazaqstan»
Soltústik Qazaqstan oblysy
