Konferensııa jumysyna «Nur Otan» partııasynyń hatshysy Qanybek Jumashev, «Nur Otan» partııasy Mańǵystaý oblystyq fılıalynyń tóraǵasy, oblys ákimi Eraly Toǵjanov, «Nur Otan» partııasy oblystyq fılıaly Saıası keńesiniń músheleri, partııa ardagerleri, barlyq deńgeıdegi máslıhattardaǵy depýtattyq fraksııanyń músheleri, jergilikti atqarýshy organdar basshylary, bastaýysh partııa uıymdarynyń tóraǵalary men buqaralyq aqparat quraldarynyń ókilderi, «Jas Otan» jastar qanatynyń músheleri qatysty.
«Nur Otan» partııasynyń hatshysy Qanybek Jumashev partııa tarapynan jasalyp jatqan irgeli ister týraly aıtty.
- Elbasy, «Nur Otan» Partııasynyń Tóraǵasy N.Nazarbaevtyń tapsyrmasymen elimizde ekonomıkalyq, saıası jəne əleýmettik jańǵyrý júzege asyrylyp jatyr. Bizdiń saıası uıym osy ózgeristerdiń birinen de qalys qalmaı, eldi-mekenderde oryndalýyna zer salatyny anyq. Partııanyń óz ishinde de aýqymdy jańǵyrtý jumystary bastalyp ketti. Sonyń ishinde ýaqyt talabyna saı sıfrlandyrý mańyzdy ról atqarady, osyǵan kóbirek mán berilýi tıis, dedi Qanybek Bekbolatuly.
Konferensııanyń kún tártibine 4 másele qaraldy. Sharada partııanyń oblystyq fılıaly Saıası keńesiniń esepti merzimde atqarǵan jumysy jáne baqylaý-tekserý komıssııasynyń esebi tyńdaldy. Odan keıin jańadan oblystyq fılıaly Saıası keńesi, Saıası keńes Bıýrosy jáne baqylaý – tekserý komıssııasynyń músheleri saılandy.
Basqosýda baıandama jasaǵan «Nur Otan» partııasy MOF tóraǵasynyń birinshi orynbasary Nurı Týmyshev, búgingi kúni jaýapty mindetterdi júzege asyrýda bastaýysh partııa uıymdarynyń róli erekshe ekendigine toqtaldy. Elbasy, Partııa Tóraǵasy N.Á.Nazarbaev «Bastaýysh partııa uıymdary» - «Nur Otannyń» negizgi tiregine, shynaıy kúshine aınalady» jáne jyl saıyn «Nur Otan» partııasy eń basty saıası kúshke aınalyp, halyqtyń qoldaýyna ıe bolýda ekendigin eske saldy.
«Nur Otan» partııasy óz qyzmetin Saıası Doktrınany, «Birlik. Turaqtylyq. Jasampazdyq» Saılaýaldy baǵdarlamasyn negizge ala otyryp atqarýda. Sonymen qatar, búgingi tańda oblystyq fılıaldyń atqaryp jatqan barlyq sharalary Elbasynyń Joldaýyna, «Rýhanı jańǵyrý» baǵdarlamasyna, bes áleýmettik bastamasyna oraı júrgizilýde. О́zderińizge belgili, «Nur Otan» partııasynyń maqsaty - saıası jumys ádisterimen – azamattyq qoǵamnyń damyǵan ınstıtýttary, qazirgi zamanǵy básekege qabiletti saıası júıesi bar, ekonomıkalyq myqty, demokratııalyq, zaıyrly, quqyqtyq, áleýmettik memleket qurýǵa qol jetkizý. Osyǵan oraı, Memleket basshysy, «Nur Otan» partııasynyń tóraǵasy Nursultan Ábishuly zaman aǵymyna saı partııany jańǵyrtý jóninde tapsyrmalar bergen bolatyn. Elbasynyń 2017 jyly 3-qarashada ótken partııanyń Saıası keńesiniń otyrysynda «Biz jańǵyrýdyń 2017 jyly jarııalanǵan úsh baǵdarlamasyn júzege asyrý barysynda «Nur Otan» partııasynyń rólin aıqyn ári anyq túsinýimiz kerek. Osy baǵdarlamalardy júzege asyrýǵa laıyqty atsalysý úshin partııa óz jumysyn ózgertýdiń naqty joldaryn tabýǵa tıis», - dep atap ótip, osy baǵyttaǵy tapsyrmalaryn bergen bolatyn.
Búginde oblystyq fılıal quramynda 158 bastaýysh partııa uıymy jáne 26 432 múshesi bar. Usynylyp otyrǵan bastamanyń biri partııanyń jańǵyrtý jáne onyń qyzmetinde qazirgi zamanǵy tehnologııalardy qoldanýǵa baǵyttalǵan. Búgingi tańda óńirimizde barlyǵy 35 IT-synyptary ashylyp, onda 8 jas pen 16 jas aralyǵyndaǵy barlyǵy 1136 (jospar boıynsha 1000) bala qosymsha bilim alyp, robotehnıkamen aınalysýda. Joba jergilikti bıýdjetten jáne demeýshilik qarajattardan qarjylandy. 2019 jyly osyndaı 50 IT-synyp ashylýy josparlanyp otyr.
Partııanyń «Rýhanı jańǵyrý» sheńberindegi jobalardan kitaphanalar da tys qalǵan joq, kitaphana qoryn sıfrlandyrýdy qolǵa aldy. Aqtaý qalasy, Beıneý aýdandy, Túpqaraǵan aýdany Fort-Shevchenko qalasyndaǵy kitaphanda 3 KOVORKING- ortalyǵy ashylyp, jastar bos ýaqyttaryn, is-sharalaryn sonda ótkizýde.
О́ńirlerdegi memlekettik-jekemenshik seriktestikti keńeıtý aıasynda «Mektepterdiń sport alańdaryn qaıta qurý» jáne «Mektep ashanalaryn jańǵyrtý» jobalary boıynsha 2018 jyly oblys boıynsha 9 mekteptiń alańy jańartylyp, mektep ashanasy sııaqty múlik basqarýshyǵa senimgerlikpen keminde 5 jylǵa jalǵa berilmek.
Sonymen qatar, Nurı Týmyshev óz baıandamasynda «Úshtildikke kóshý» jobasy aıasynda partııa «English for Jastar» jobany óńdep, ol boıynsha Jańaózen qalasynda, Beıneý, Mańǵystaý, Munaıly, Qaraqııa, Túpqaraǵan aýdandarynda turatyn jergilikti aýyl balalaryna eriktiler kúshimen aǵylshyn tilin úıretý kýrstary uıymdastyrylyp, oqýdy bastap ketkendigin aıtty. Jobaǵa shet elden kelgen eriktiler de qatysýy kózdelgen. Búgingi tańda 10 jergilikti eriktiler 400 den astam bala oqytýda. Jospar boıynsha jalpy 500-ge jýyq bala oqytylady. Eriktiler barlyq qajetti ádistemelik oqýlyqtarymen qamtamasyz etildi.
«Ardagerlerdi ardaqtaıyq» partııalyq jobasy týraly da aıtyldy. Búginde oblysta Uly Otan soǵys ardagerleriniń sany 22, onyń 19-y Aqtaý qalasynda turady, tyl ardagerleriniń sany 1500. Uly Otan soǵysy ardagerleri turǵyn úımen qamtamasyz etilgen.
Bıylǵy jyly «Nurly jol», «Nurly jer» memlekettik baǵdarlamasy aıasynda Mańǵystaý oblysynda 31 obekttiń iske asyrylýy kózdelip, oǵan 2018 jyly jalpy bólingen soma 59 227,5 mln.teńgeni quraıdy.
«Nurly jol» boıynsha ár baǵytta 4 komıssııa, «Nurly jer» boıynsha 3 komıssııa otyrysy ótti. Bul rette partııa fılıaldary «Nurly jol» men basqa da memlekettik baǵdarlamalarǵa partııalyq monıtorıng júrgizip, bólingen qarajattyń maqsatty jáne tıimdy jumsalýyn baqylaýda.
Ústimizdegi 2018 jyldyń 10 aıynda qoǵamdyq qabyldaý bólmelerine 1677 ótinish kelip túsken.
«Prezıdenttiń bes áleýmettik bastamasynyń» Mańǵystaý oblysynda iske asyrylýyn baqylaý boıynsha qoǵamdyq keńes qurylǵan. Eń ózekti másele «Árbir otbasyna baspana alýdyń jańa múmkindikterin berý» birinshi áleýmettik bastamadaǵy «7-20-25» baǵdarlamasyna qatysty boldy. Qazirgi tańda osy baǵdarlamamen ótinim bergen 326 adamnyń 212 adamnyń ótinimine kelisim berildi. Nesıe somasy 1 733 496 246 teńgeni qurady, demek, 212 adam baspana alýǵa qoly jetti. Mańǵystaý oblysy respýblıka boıynsha 3-orynda keledi.
2011 jyldan bastap elimizde Demokratııalyq kúshterdiń jalpyulttyq koalısııasy jumys jasaıdy. Koalısııa quramyna 6 saıası partııa, 18 iri qoǵamdyq birlestik, úkimettik emes uıymdardyń ókilderi, jas kásipkerler endi. Aǵymdaǵy jyldyń 10-qazanynda ótken otyrysynda koalısııa músheleri Memleket Basshysynyń «Qazaqstandyqtandyń ál – aýqatynyń ósýi: tabys pen turmys sapasyn arttyrý» Qazaqstan halqyna Joldaýynyń negizgi baǵyttaryn talqylaý úshin «Qazaqstan–2050» Demokratııalyq kúshterdiń Mańǵystaý oblystyq koalısııasynyń otyrysy ótip, koalısııa músheleri Elbasynyń saıasatyn biraýyzdan qoldaıtynyn jetkizip, ózderiniń mańǵystaýlyqtarǵa joldaǵan Úndeýin qabyldaǵan bolatyn.
2018 jyl mereıtoıǵa toly jyl boldy, óńirimiz joǵary deńgeıde 5 eldiń Sammıty oıdaǵydaı ótkizdi, kelesi jyly «Nur Otan» partııasynyń 20-jyldyq mereıtoıy bar.
Shara barysynda «Nur Otan» partııasy Mańǵystaý oblystyq fılıaly baqylaý-tekserý komıssııasynyń tóraıymy, Aqtaý qalalyq «Bilim úılestirý» ortalyǵynyń sektor basshysy Ada Kım «Nur Otan» partııasy Mańǵystaý oblystyq fılıaly baqylaý-tekserý komıssııasynyń jumysy týraly esep berdi.
Partııa ardageri, Munaıly aýdany Batyr aýylynyń ákimi Qalnııaz Ońdabaev konferensııada aıtylǵan bastamalar júzege asyrylýy kóńil qýantady dedi. Ásirese sıfrlandyrýǵa baılanysty mektep oqýshylaryna arnalǵan jobalardyń júzege asyp, partııanyń jas urpaqty zaman talabyna qaraı beıimdeýge, bos ýaqytyn tıimdi ótkizýge kóńil aýdarǵany oń ózgeris boldy dep oıymen bólisti. Sonymen qatar, jas urpaqty sıfrlandyrý baǵytyna beıimdeý boıynsha «IT mamandardy daıyndaý», «IT - ortalyqtar», «Qazaqstan kitaphanalary - bilim ortalyqtary», «Tómengi synyp oqýshylary úshin densaýlyq sabaqtary» jobalarynyń qalalar men aýdandarda da qolǵa alynǵandyǵy, Munaıly aýdanynda 6 IT-synyp ashylyp, balalarǵa qyzmet kórsetip jatqandyǵy, «Mektepterdiń sport alańdaryn qaıta qurý» jáne «Mektep ashanalaryn jańǵyrtý», sondaı-aq aldaǵy ýaqytta júzege asyrylatyn «Bıznes úshin geoaqparattandyrylǵan onlaın servısi» halyqqa bos jer telimderi týraly tolyq aqparat alyp, tipti onlaın-servıs arqyly satypalýǵa múmkindik beretindigi kóńil qýantady dedi.
Konferensııa minberi arqyly ustazdardy daryndy jas urpaq tárbıeleýge shaqyrǵan «Jańaózen polıtehnıkalyq kolledjiniń» dırektory, partııanyń saılaýaldy baǵdarlamasynyń «Bilim» baǵyty boıynsha saraptama komıssııasynyń tóraıymy T.Bolatbaeva, Saıası keńestiń bıýrosy músheleriniń qatysýymen ótken usynystardy aıtyp ótti. Ásirese balalardyń qaýipsizdigin saqtaý, mektepke deıingi bilim mekemelerin beınebaqylaý qurylǵylarymen jabdyqtaý boıynsha Aqtaý qalasyndaǵy 30-dan asa jekemenshik balabaqshaǵa monıtorıng júrgizilip, bilim basqarmasyna usynystar berilgendigin tilge tıek etti.
Jeke kásipker S.Qarjaýbaev memleket tarapynan kásipkerliktiń damýyna jasalyp jatqan qoldaýdyń baryn aıtyp, óz kásibin dóńgeleter jastardyń qatary arta túsetinine senim bildirdi. Sebebi keler 2019 jyl «Jastar jyly» bolyp jarııalanady, demek jastardyń máseleleri nazardan tys qalmasy anyq.
Jyldan jylǵa partııamyzdyń qatary jas, ári bilikti azamattarmen tolyǵyp kele jatqandyǵy qýantady. Olar jyl saıyn respýblıkalyq kólemde ótetin «Eń úzdik bastaýysh partııa uıymy» baıqaýyna belsene qatysýda. Bıylǵy oblystyq baıqaýǵa 13 uıym qatysyp, olardyń 3-i respýblıkalyq baıqaýǵa joldama aldy. Shara aıasynda «Eń úzdik bastaýysh partııa uıymy» baıqaýynyń jeńimpazdary marapattaldy.
HHVIII esep berý-saılaý konferensııasynyń jumysyn qorytyndylaǵan «Nur Otan» partııasy Mańǵystaý oblystyq fılıalynyń tóraǵasy, oblys ákimi keler jyly partııanyń 20 jyldyǵyn joǵary deńgeıde atap ótýge shaqyrdy.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy
